ەرجان بايتىلەس قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى قىزمەتىنە تاعايىندالدى، دەپ جازادى "ادىرنا". بۇل تۋرالى بەرىك ءۋالي Facebook پاراقشاسىندا ايتتى.
ول بۇعان دەيىن قر مەملەكەتتىك كەڭەسشىسى حاتشىلىعى مەڭگەرۋشىسىنىڭ ورىنباسارى بولىپ ەڭبەك ەتكەن بولاتىن.
ەرجان بايتىلەس – ءارتۇرلى باسىلىمداردا قىزمەت اتقارعان جۋرناليست. «الماتى اقشامى» گازەتىندە ءبولىم باستىعى، رەسپۋبليكالىق «انا ءتىلى» گازەتىندە باس رەداكتوردىڭ ورىنباسارى قىزمەتىن اتقاردى. سونداي-اق، مەملەكەتتىك قىزمەتكە دەيىن عاسىرعا جۋىق تاريحى بار «ەگەمەن قازاقستان» گازەتىنىڭ قىزىلوردا وبلىسى بويىنشا مەنشىكتى ءتىلشىسى بولدى.
