الماتى وبلىسىندا ەر ادام ەكى بالاسى بار ايەلدى ءولتىرىپ، ءۇيىن ورتەپ جىبەرگەن، - دەپ حابارلايدى "ادىرنا".
جانتۇرشىگەرلىك وقيعا الماتى وبلىسى اششىبۇلاق اۋىلىنداعى ۇيلەردىڭ بىرىندە بولعان. سالدارىنان ورتەنگەن ۇيدەن ءۇش ادامنىڭ ءمايىتى تابىلعان. وقيعاعا قاتىستى الماتى وبلىسى پوليتسيا دەپارتامەنتىنىڭ باسشىسى تۇسىنىكتەمە بەردى.
ۆەدومستۆو مالىمەتىنشە، 14 قىركۇيەكتە ساعات 23:24-تە ىلە اۋدانىنىڭ پوليتسيا باسقارماسىنا اششىبۇلاق اۋىلىنداعى ۇيلەردىڭ بىرىندەگى ورتتەن كەيىن ك. مەن ونىڭ ەكى كامەلەتكە تولماعان بالاسىنىڭ زورلىق-زومبىلىق بەلگىلەرى كورىنەتىن مايىتتەرى تابىلعانى تۋرالى اقپارات تۇسەدى.
"بۇل دەرەك اۋداندىق پوليتسيادا قر قىلمىستىق كودەكسىنىڭ 99-بابى (كىسى ءولتىرۋ) بويىنشا تىركەلدى. قازىر كۇدىكتىنى انىقتاۋ جانە ونى ۇستاۋ بويىنشا جەدەل-ىزدەستىرۋ جۇمىستارى جۇرگىزىلىپ جاتىر. بارلىق اۋداندىق پوليتسيا بولىمشەسىنە جانە كورشىلەس وڭىرلەردىڭ پوليتسيا دەپارتامەنتتەرىنە باعدارلار جولداندى", - دەدى الماتى وبلىسى پوليتسيا دەپارتامەنتى باستىعى باۋىرجان الەنوۆ.
ۇقساس جاڭالىقتار
