الماتىدا ءوتىپ جاتقان قاڭتار وقيعاسىنا قاتىستى سوتتا ۇلتتىق قاۋىپسىزدىك كوميتەتىنىڭ بۇرىنعى قىزمەتكەرى رۋسلان ىسقاقوۆ شۋلى مالىمدەمە جاسادى. ءىس بويىنشا نەگىزگى ايىپتالۋشىلار ىسقاقوۆتان بولەك، كريمينالدىڭ جەتەكشىسى، جابايى ارمان لاقاپ اتىمەن تانىلعان ارمان جۇماگەلديەۆ پەن قالالىق ءماسليحات دەپۋتاتى قايرات قۇدايبەرگەن، - دەپ حابارلايدى “ادىرنا” ۇلتتىق پورتالى Tengrinews.kz پورتالىنا سىلتەمە جاساپ.
سوتتالۋشىنىڭ ايتۋىنشا، قاڭتار وقيعاسى كەزىندە ول ۇلتتىق قاۋىپسىزدىك كوميتەتى باسشىسىنىڭ ءبىرىنشى ورىنباسارى قىزمەتىن اتقارعان سامات ءابىشتىڭ بۇيرىعىن ورىنداعان. رۋسلان ىسقاقوۆ ۇقك 5-ءشى دەپارتامەنتىنىڭ باستىعى بولعان.
مەنىڭ ايعاقتارىم قۇپيا بولدى... ءابىشتىڭ بۇيرىعىن ورىندادىم دەپ ايتۋىما تىيىم سالماقشى، - دەدى ىسقاقوۆ ءالى الدىن الا ساتىدا تۇرعان سوتتا.
