پوليتسەيلەر قازاقستان مەن رەسەي شەكاراشىلارى اراسىنداعى جانجال تۋرالى جالعان ۆيدەونىڭ اۆتورىن ۇستادى، - دەپ حابارلايدى "ادىرنا" ءتىلشىسى قوستاناي وبلىسىنىڭ پوليتسيا دەپارتامەنتىنە سىلتەمە جاساپ.
«الەۋمەتتىك جەلىدە قوستاناي وبلىسىنىڭ شەكاراسىندا اسكەريلەر اراسىندا بولعان جانجالعا قاتىستى تۇسىنىكتەمە جازىلعان اسكەري كولىك كولونناسىنىڭ ۆيدەوسى تاراپ كەتتى، بەلگىلى بولعانداي، ۆيدەو جالعان بولىپ شىقتى.
جەدەل ىزدەستىرۋ ءىس-شارالارى بارىسىندا قوستاناي وبلىسىنىڭ پوليتسيا باسقارماسىنىڭ قىزمەتكەرلەرى 52 جاستاعى قوستاناي قالاسىنىڭ تۇرعىنىن انىقتاپ، ۇستادى. ول قاساقانا ارەكەت جاساعانى ءۇشىن كىناسىن مويىندادى»،
- دەدى پد.
اتالعان فاكتى بويىنشا قىلمىستىق كودەكستىڭ 274-بابى 2-بولىگىنىڭ 3-تارماعى «بۇقارالىق اقپارات قۇرالدارىن نەمەسە تەلەكوممۋنيكاتسيا جەلىلەرىن پايدالانا وتىرىپ، جالعان اقپارات تاراتۋ» بويىنشا سوتقا دەيىنگى تەرگەۋ باستالدى.
پوليتسيا جالعان اقپارات تاراتقانى ءۇشىن قىلمىستىق جانە اكىمشىلىك جاۋاپكەرشىلىكتى ەسكە الىپ، ازاماتتاردى اقپاراتتى تاراتپاستان بۇرىن ونىڭ دۇرىستىعىن تەكسەرۋگە شاقىردى.
پوليتسەيلەر ازاماتتارعا: «قاۋەسەتتەرگە بوي الدىرماۋ جانە ناقتى ەمەس وقيعالاردىڭ اينالاسىندا دۇربەلەڭ تۋعىزباۋ كەرەك.»، - دەدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز