مەملەكەت باسشىسى قاسىم-جومارت توقاەۆ سولتۇستىك قازاقستان وبلىسىنىڭ اكىمىن تاعايىندادى، دەپ حابارلايدى "ادىرنا" ۇلتتىق پورتالى.
- مەملەكەت باسشىسىنىڭ جارلىعىمەن عاۋەز تورسانۇلى نۇرمۇحامبەتوۆ سولتۇستىك قازاقستان وبلىسىنىڭ اكىمى لاۋازىمىنا تاعايىندالدى، دەپ حابارلايدى "اقوردا".
عاۋەز نۇرمۇحامبەتوۆ 1968 جىلدىڭ 11 شىلدەسىندە قوستاناي وبلىسى قاراسۋ اۋدانىنىڭ مايسكي اۋىلىندا دۇنيەگە كەلگەن.
1992 جىلى تسەلينوگراد اۋىل شارۋاشىلىعى ينستيتۋتىن "عالىم اگرونوم" ماماندىعى بويىنشا، 2002 جىلى چەليابى مەملەكەتتىك ۋنيۆەرسيتەتىن "زاڭگەر" ماماندىعى بويىنشا، 2008 جىلى قوستاناي ينجەنەرلىك-ەكونوميكالىق ۋنيۆەرسيتەتىن "ەكونوميكا باكالاۆرى" ماماندىعى بويىنشا ءبىلىم العان. ەكونوميكا عىلىمدارىنىڭ كانديداتى.
عاۋەز تورسانۇلى ءوزىنىڭ ەڭبەك جولىن 1985 جىلى قوستاناي وبلىسى كومسومول اۋدانى "ماگنايسكي" سوۆحوزىنىڭ № 1 بريگاداسىنىڭ مەحانيزاتورى بولىپ باستادى.
1992-1994 جىلدارى – تورعاي وبلىسى وكتيابرسي اۋدانى ۆيليامس اتىنداعى سوۆحوزدىڭ باس اگرونومى.
1994-1996 جىلدارى – قوستاناي وبلىسى قوستاناي اۋدانى "موسكوۆسكي" سوۆحوزىنىڭ باس اگرونومى.
1996-1997 جىلدارى – قوستاناي وبلىسى كومسومولسكي اۋدانى "بوسكولسكوە" كك ديرەكتورى.
1997-2002 جىلدارى – قوستاناي وبلىسى تاران اۋدانىنىڭ اكىمى.
2002-2008 جىلدارى – قوستاناي وبلىسى قارابالىق اۋدانىنىڭ اكىمى.
2008-2009 جىلدارى – قوستاناي وبلىسى قوستاناي قالاسىنىڭ اكىمى.
2009 جىلدان 2011 جىلعا دەيىن – قوستاناي قالاسى "سودرۋجەستۆو" جشس باس ديرەكتورىنىڭ ورىنباسارى.
2011-2012 جىلدارى – قوستاناي وبلىسى اۋليەكول اۋدانىنىڭ اكىمى.
2012 جىلدان 2014 جىلعا دەيىن – قوستاناي قالاسىنىڭ اكىمى.
2014 جىلدان 2015 جىلعا دەيىن – قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى.
2015 جىلدان 2023 جىلعا دەيىن – قوستاناي وبلىسى اكىمىنىڭ ءبىرىنشى ورىنباسارى.
2023 جىلدىڭ 25 قاڭتارىنان باستاپ – قازاقستان رەسپۋبليكاسى پارلامەنتى سەناتىنىڭ دەپۋتاتى. ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ مۇشەسى.
ەسكە سالا كەتەيىك، 2023 جىلدىڭ 4 قىركۇيەگىندە وبلىستىڭ بۇرىنعى اكىمى ايداربەك ساپاروۆ اۋىل شارۋاشىلىعى ءمينيسترى لاۋازىمىنا تاعايىندالدى.
"ادىرنا" ۇلتتىق پورتالى
