وتكەن ايدىڭ سوڭىندا، وقۋ ءمينيسترى گابريەل اتتال مەكتەپ مەكەمەسىنە abaya كيىپ كەلۋگە تيىم سالىناتىنىن ايتقان بولاتىن. 300-گە تاياۋ قىز بالدار اباياسىمەن كەلگەن ەدى. مەكتەپكە كىرگىزبەي، ارقايسىسىنىڭ اكە-شەشەسىنىڭ اتىنا جەكە حات جولدادى مينيستر اتتال.
قارسى بولعاندار بولدى، العاشقىدا. قازىر تيىلعان سياقتى، سەبەبى ول تۋرالى اقپارات جاريا ەتىلمەيدى.
دەگەنمەن، اسىرە ءدىندارلار قارسىلاستىقتىڭ ءتۇرىن وزگەرتىپ جاتىر.
مىنا حابارعا قاراعاندا، 16 جانە 17 جاستاعى ەكى ءجاسوسپىرىم ءبىر كوللەدجدىڭ (بىزدىڭشە - ورتا مەكتەپ) ءبىلىم بەرۋ جونىندەگى اعا كەڭەسشىگە تەلەفون ارقىلى دوق (harcèlement) كورسەتكەن.
پوليتسيا ولاردى ۇستاپ الىپ، قىلىقتارىنىڭ سەبەبىن سۇراسا، ينتەرنەت ارقىلى كەلىپ تۇسكەنىن ايتىپتى جاسىرىن ءدىني باعىتتاۋشىلار.
“قۇقىق-مىقىعىم بار” دەپ، ءبىزدىڭ نادانداردىڭ ءسوزىن ايتپاپتى، سەبەبى دەبات كەزىندە جىگىن اشىپ، جولىن كورسەتىپ قويدى زاڭ ماماندارى مەن ادىلەت ءمينيسترى.
حيدجاپ تۋرالى بولعان ديسكۋسسيادا مينيستر بالاەۆانىڭ پىكىرىن ەستىدىم. وكىمەت باسشىسىنىڭ ءسوزىن دە، بىراق زاڭ ماماندارىنىڭ اۋىز اشقانىن بايقامادىم.
ستراتەگيالىق ينستيتۋتتىڭ ارناۋلى ماماندارىنىڭ، فيلوسوفيا، زاڭ، ەتنولوگيا ينستۋتتارىنىڭ عالىمدارىنىڭ پىكىرىن دە كورگەنىم جوق. ولاي بولسا، ونداي ينستيتۋتتاردىڭ كەرەگى نە؟
پرەزيدەنتتىڭ ءسوزىن قايتالاۋ ما، توتى قۇستاي؟
ماسەلە باستاعى ورامالدا ەمەس، كونستيتۋتسيادا بەكىتىلگەن ءپرينتسيپتى قورعاۋدا.
سوندىقتان، جاۋىننىڭ قۇرتىنداي - نە ءولى، نە ءتىرى ەمەس - شۇبالاڭداپ جاتۋدىڭ قاجەتى جوق.
باتىل دا پارمەندى قيمىلمەن كونستيتۋتسيالىق جولدىڭ مىزعىماس ەكەندىگىن كورسەتۋ كەرەك بارشاعا.
