25 قىركۇيەكتە ءازىربايجان-تۇرىك قۇجاتتارىنا قول قويۋ راسىمىنەن كەيىن ءازىربايجان رەسپۋبليكاسىنىڭ پرەزيدەنتى يلحام اليەۆ پەن تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان باسپاسوزگە مالىمدەمە جاسادى، دەپ حابارلايدى "ادىرنا" ۇلتتىق پورتالى.
رەجەپ تايىپ ەردوعان ءوز ءسوزىن تومەندەگىدەي باستادى:
"بۇل جولى مەن سىزدەرمەن بىرگە تۇركيانى تۇتاس تۇركى الەمىمەن بايلانىستىراتىن ناحچەۆاندا بولعانىما وتە قۋانىشتىمىن. 2008 جىلعى ساپارىمنان بەرى مەن ناحچىۆەننىڭ قول جەتكىزگەن دامۋىن ماقتانىشپەن باقىلاپ كەلەمىن. بۇگىن، ءازىربايجاننىڭ جالپىۇلتتىق كوشباسشىسى گەيدار اليەۆتىڭ ءجۇز جىلدىق مەرەيتويى. قايراتكەر ناحچەۆاننىڭ قازىرگى دامۋ دەڭگەيىنە جەتۋ ءۇشىن تالاي تەر توكتى. مەن تۇلعامىزدى قۇرمەتتەيمىن".
ءارى قاراي ەردوعان تۇرىك-ءازىربايجان قاتىناستارىنىڭ الەمدە تەڭدەسى جوق ەرەكشە دەڭگەيدە ەكەندىگىن ايتتى. "بىر ۇلت، ەكى مەملەكەت"ۇرانىنا سايكەس، ىنتىماقتاستىقتى نىعايتۋ قىزمەتتىنىڭ جالعاساتىنىن ايتتى.
"مەن اعام يلحاممەن قول قويعان شۋشين دەكلاراتسياسى - ءبىزدىڭ قارىم-قاتىناسىمىزدى وداقتاس دەڭگەيگە كوتەرەتىن بەتبۇرىس", - دەدى ەردوعان،
سونىمەن قاتار، ناحچەۆاننىڭ ستراتەگيالىق ماڭىزدىلىعىنا توقتالىپ، ازىربايجانمەن قارىم-قاتىناستا ەرەكشە ورىن الاتىنىن اتاپ ءوتتى. "بۇگىندە ناحچەۆاننىڭ ەكونوميكا، كولىك جانە ەنەرگەتيكا تۇرعىسىنان ۇلكەن الەۋەتى بار. وڭىرلىك كولىك جەلىلەرىنىڭ قۇرىلۋىمەن ءبىز وسى الەۋەتتى تولىق ىسكە اسىرۋعا مۇمكىندىك الدىق", - دەپ قوستى ول.
پرەزيدەنت ەردوعان يگدىر-ناحچەۆان گاز قۇبىرىنىڭ ماڭىزدىلىعىن اتاپ ءوتتى. ونىڭ ايتۋىنشا، يگدىر-ناحچىۆان گاز قۇبىرىنىڭ اشىلۋى تۇركيانىڭ ازىربايجانمەن ەنەرگەتيكا سالاسىنداعى سەرىكتەستىگىن تەرەڭدەتەدى، سونداي-اق ەۋروپانى ەنەرگيامەن جابدىقتاۋ قاۋىپسىزدىگىنە ۇلەس قوسادى.
تۇركيا مەملەكەتىنىڭ باسشىسى ازەربايجان قارۋلى كۇشتەرىنىڭ تەرروريزمگە قارسى جەرگىلىكتى وپەراتسياسىن جوعارى باعالادى:
ء"ازىربايجاننىڭ قاراباقتاعى تەرروريزمگە قارسى وپەراتسياسى - ماقتانىش. ول بەيبىت تۇرعىنداردىڭ قۇقىقتارىن بارىنشا ەسكەرە وتىرىپ، قىسقا مەرزىمدە ءساتتى وتكىزىلدى. جەڭىسكە جەتكەن ءازىربايجان ارمياسىن ءوزىنىڭ تاريحي جەتىستىگىمەن، بەيبىت تۇرعىندارعا ىزگىلىكتى قارىم-قاتىناس كورسەتۋىمەن شىن جۇرەكتەن قۇتتىقتايمىن، وسى جەڭىستىڭ ارقاسىندا ايماقتا جان-جاقتى قالىپقا كەلۋدىڭ جاڭا مۇمكىندىكتەرى اشىلدى".
"ارمەنيا الەمنىڭ كومەگىن، قولداۋىن قابىل الىپ، بۇدان بىلاي شىنايى قادامدار جاسايدى دەپ كۇتەمىز", - دەدى ەردوعان.
"ادىرنا" ۇلتتىق پورتالى
