ايدا بالاەۆا ۇلتتىق قۇرىلتاي مۇشەلەرىمەن كەزدەستى

قر مادەنيەت جانە اقپارات ءمينيسترى، ۇلتتىق قۇرىلتاي حاتشىسى ايدا بالاەۆا ۇلتتىق قۇرىلتاي مۇشەلەرىمەن كەزدەستى، دەپ حابارلايدى “ادىرنا” ۇلتتىق پورتالى.

تۇركىستان قالاسىندا وتكەن ۇلتتىق قۇرىلتاي وتىرىسىندا پرەزيدەنت «ادىلەتتى قازاقستاندى قۇرۋ ءۇشىن ءاربىر وتانداسىمىز ادال ازامات بولۋى» قاجەتتىگىن اتادى. قوعامدا وتانشىلدىق، ادامگەرشىلىك، بىلىمپازدىق، ناعىز مامان بولۋ، ۇنەمشىلدىك، ەڭبەكقورلىق، ەل مەن جەرگە جاناشىرلىق سياقتى اسىل قاسيەتتەر بارىنەن بيىك تۇرۋعا ءتيىس. وسىلايشا ءبىز جاس ۇرپاقتى ادال ازامات ەتىپ تاربيەلەۋ، ۇلتتىق بىرەگەيلىكتى نىعايتۋ، جاڭا قۇندىلىقتاردى ورنىقتىرۋ ءۇشىن جۇيەلى جۇمىس جاساۋىمىز قاجەت. ەلىمىزدە بەلسەندى ساراپشىلاردىڭ ۇلتتىق قۇرىلتاي قۇرامىنا ەنۋى قوعامنىڭ ەلىمىزدىڭ قوعامدىق-ساياسي ومىرىنە قاتىسۋ مۇمكىندىگىن كەڭەيتتى جانە ازاماتتاردىڭ زاڭدى قۇقىقتارى مەن مۇددەلەرىن قورعاۋعا مۇمكىندىك جاسادى. كەزدەسۋدە قازاقستان رەسپۋبليكاسىنىڭ مادەنيەت جانە اقپارات ءمينيسترى، ۇلتتىق قۇرىلتاي حاتشىسى ايدا بالاەۆا ۇلتتىق قۇرىلتاي مۇشەلەرىنىڭ ۇسىنىستارىن تىڭداپ، ەلىمىزدە جاڭا قوعامدىق ەتيكا قالىپتاستىرۋ، ەلدىڭ بىرلىگى مەن تۇراقتىلىعى، ازاماتتاردىڭ ءوزارا تىلەكتەستىگى، ادىلدىك، زاڭ مەن ءتارتىپ، سەنىم جانە جاۋاپكەرشىلىك سياقتى قۇندىلىقتاردى ىلگەرىلەتۋ ماسەلەلەرى تالقىلاندى. سونداي-اق، ايدا بالاەۆا مەملەكەت باسشىسىنىڭ تۇركىستان قالاسىندا وتكەن ۇلتتىق قۇرىلتايدا بەرگەن تاپسىرماسى اياسىندا مادەني مۇرانى ساقتاۋ جانە زەردەلەۋ، ەلدىڭ وزىندىك ەرەكشەلىگىن كورسەتەتىن جانە ۇلتتىق مۇددەلەرگە سايكەس كەلەتىن كىتاپتاردىڭ شىعارىلىمىن ۇلعايتۋ ماسەلەلەرى بويىنشا اقپارات بەردى.