پاۆلودار قالاسىندا كوللەدجدەردىڭ بىرىندە وقىتۋشى ستۋدەنتتى تاربيەلەۋ ماقساتىندا ۇرىپ-سوققان، دەپ حابارلايدى "ادىرنا" ءتىلشىسى Stan.kz اقپارات اگەنتتىگىنە سىلتەمە جاساپ.
وقىتۋشىنىڭ كامەلەتكە تولماعان بالانى ۇرىپ-سوققان بەينەجازباسى الەۋمەتتىك جەلىلەردە تاراپ كەتكەن.
ۆيدەودا پەداگوگ ستۋدەنتتىڭ جامباسىن تاياقشا ءتارىزدى زاتپەن بىرنەشە رەت ۇرعانى انىق بايقالادى. پاۆلودار وبلىسىنىڭ ءبىلىم باسقارماسى وقيعا پاۆلودار مونتاج كوللەدجىندە ورىن العانىن راستادى.
"بالانى ۇرىپ-سوققان مۇعالىم جاۋاپكەرشىلىككە تارتىلىپ، جازالاندى. اتاپ ايتقاندا، وقىتۋشىنىڭ ءىس-ارەكەتتەرى پەداگوگيكالىق ەتيكا كەڭەسىنىڭ وتىرىسىندا قارالدى. وقىتۋشى كىنالى دەپ تانىلىپ، بۇگىنگى كۇنى جۇمىستان بوساتىلدى", – دەپ ءتۇسىندىردى پاۆلودار وبلىسىنىڭ ءبىلىم باسقارماسى.
كوللەدج اكىمشىلىگىنىڭ ايتۋىنشا، مۇعالىم ستۋدەنت پەن ونىڭ اتا-اناسىنان كەشىرىم سۇراپ، ەكى تاراپ ىمىراعا كەلگەن.
بۇل جاعدايعا قر وقۋ-اعارتۋ مينيسترلىگىنىڭ ءباسپاسوز قىزمەتى:
ء"بىلىم بەرۋ مەكەمەلەرى بالالاردى قاۋىپسىز جانە سەنىمدى ورىن بولۋى كەرەك. بالالاردىڭ ءبىلىم الۋ جانە قاۋىپسىزدىك قۇقىعى كەز كەلگەن قوعامدا ەڭ جوعارى باسىمدىققا يە. مۇعالىمنىڭ بۇل مىنەز-قۇلقى بارلىق كورسەتىلگەن نورمالارعا قايشى كەلەدى. قازىرگى ۋاقىتتا مۇنداي مىنەز-قۇلىققا جول بەرگەن مۇعالىم جۇمىستان شىعارىلدى", – دەپ مالىمدەدى.
