Pavlodar qalasynda kolledjderdiń birinde oqytýshy stýdentti tárbıeleý maqsatynda uryp-soqqan, dep habarlaıdy "Adyrna" tilshisi Stan.kz aqparat agenttigine silteme jasap.
Oqytýshynyń kámeletke tolmaǵan balany uryp-soqqan beınejazbasy áleýmettik jelilerde tarap ketken.
Vıdeoda pedagog stýdenttiń jambasyn taıaqsha tárizdi zatpen birneshe ret urǵany anyq baıqalady. Pavlodar oblysynyń bilim basqarmasy oqıǵa Pavlodar montaj kolledjinde oryn alǵanyn rastady.
"Balany uryp-soqqan muǵalim jaýapkershilikke tartylyp, jazalandy. Atap aıtqanda, oqytýshynyń is-áreketteri pedagogıkalyq etıka keńesiniń otyrysynda qaraldy. Oqytýshy kináli dep tanylyp, búgingi kúni jumystan bosatyldy", – dep túsindirdi Pavlodar oblysynyń bilim basqarmasy.
Kolledj ákimshiliginiń aıtýynsha, muǵalim stýdent pen onyń ata-anasynan keshirim surap, eki tarap ymyraǵa kelgen.
Bul jaǵdaıǵa QR Oqý-aǵartý mınıstrliginiń baspasóz qyzmeti:
"Bilim berý mekemeleri balalardy qaýipsiz jáne senimdi oryn bolýy kerek. Balalardyń bilim alý jáne qaýipsizdik quqyǵy kez kelgen qoǵamda eń joǵary basymdyqqa ıe. Muǵalimniń bul minez-qulqy barlyq kórsetilgen normalarǵa qaıshy keledi. Qazirgi ýaqytta mundaı minez-qulyqqa jol bergen muǵalim jumystan shyǵaryldy", – dep málimdedi.
