2023 jyldyń qyrkúıeginde 250 myń kolledj stýdentiniń shákirtaqysy 50%-ǵa ósti. Bıyl qatary 300 myńǵa jýyqtaǵan stýdenttiń stıpendııasy taǵy 50%-ǵa artady. Bul týraly Oqý-aǵartý mınıstrligi jazdy, dep habarlaıdy “Adyrna” ulttyq portaly.
«Orta býyn mamandyqtarynyń stýdentteri qazirgi 31 422 teńgeniń ornyna 41 896 teńge alady. Jumysshy biliktiligi bar stýdentter úshin shákirtaqy 32 681 teńgeden 43 574 teńgege deıin kóteriledi», – dedi TjKB bas sarapshysy Darhan Satanov.
Sonymen qatar, memlekettik tapsyrys boıynsha oqıtyn stýdentterge tamaq pen jolaqy sııaqty áleýmettik qoldaý kórsetiledi. Elimizdegi kolledjderde barlyǵy 542 myń stýdent oqıdy. Onyń 344 myńy tegin tehnıkalyq jáne kásiptik bilimmen qamtylǵan.
