Abai oblysynyŋ qylmystyq ıster jönındegı mamandandyrylǧan audanaralyq soty zaŋ fakultetınıŋ 2004 jylǧy studentın pedofiliia üşın ömır boiyna bas bostandyǧynan aiyruǧa ükım şyǧardy, dep habarlaidy "Adyrna" ūlttyq portaly.
«Jabyq sot otyrysynda 2004 jyly tuǧan zaŋ fakultetınıŋ studentıne qatysty qylmystyq ıs qaraldy. Ol kämeletke tolmaǧandarǧa qatysty zorlau (QK 120-baby, 4-bölıgı), sondai-aq seksualdyq sipattaǧy zorlyq-zombylyq äreketterı (QK 121-baby, 4-bölıgı) boiynşa aiyptalǧan. Sottyŋ ükımımen ol kınälı dep tanylyp, qylmystar jiyntyǧy boiynşa ömır boiyna bas bostandyǧynan jäne pedagogikalyq qyzmetpen nemese kämeletke tolmaǧandarmen jūmys ısteuge bailanysty lauazymdardy atqaru qūqyǧynan aiyryldy», – delıngen habarlamada.
Sot materialdaryna säikes, aiyptaluşy Semei qalasynda 2022 jyldyŋ mamyrynda jäne 2025 jyldyŋ qaŋtarynda 12 jäne 13 jastaǧy kämeletke tolmaǧandarǧa qatysty qylmys jasaǧan.
Aiyptaluşy kınäsın moiyndamai, sottan özın aqtaudy sūraǧan.
Ol jazasyn qylmystyq-atqaru jüiesınıŋ erekşe qauıpsızdık mekemesınde öteitın bolady.
