Semeı ıadrolyq synaq polıgonynan zardap shekken azamattar zeınetke erte shyǵýy múmkin. Eger qoǵam tarapynan suranys bolsa, 1992 jyly qabyldanǵan polıgon týraly zańǵa tıisti ózgeris engiziledi. Eńbek jáne halyqty áleýmettik qorǵaý mınıstri Tamara Dúısenova Semeıde ótken úkimettik emes uıym múshelerimen kezdesýinde osylaı málimdedi, dep habarlaıdy «Adyrna» tilshisi «Habar 24»-ke silteme jasap.
Aıtýynsha, qazirgi ýaqytta Densaýlyq saqtaý jáne Ekologııa mınıstrlikteriniń ókilderi ıadrolyq synaq taqsiretin tartqan aımaq turǵyndarynyń densaýlyǵyna zertteý júrgizip jatyr. Sonyń negizinde zańǵa tıisti ózgeris engizilýi múmkin.
«Zań óz ornynda qalady. Ekinshiden, ózgeris qajet bolsa, arnaıy ınstıtýttar óz usynystaryn beretin bolsa árıne ózgerister engiziledi. Zańǵa sáıkes Semeı polıgonynan zardap shekken azamattar 45 jastan zeınetke shyǵady»,—dedi basshy.
