Semei qalasyndaǧy biologiialyq ortalyqta keleŋsız oqiǧa oryn aldy. Keluşılerdıŋ arystandarǧa tas laqtyrǧan sätı videoǧa tüsıp, äleumettık jelılerde tarady. Būl turaly “Adyrna” habarlady.
Biologiialyq ortalyq ökılderınıŋ mälımdeuınşe, mūndai jaǧdailar soŋǧy uaqytta jiılep ketken. Äsırese, eresek adamdardyŋ januarlarǧa tas, taiaq jäne özge de zattardy laqtyruy alaŋdauşylyq tudyryp otyr. Mamandar mūndai äreketterdı jai ermek emes, januarlarǧa jasalǧan qatygezdık retınde baǧalaidy.
“Keluşılerdıŋ mūndai äreketı januarlardyŋ densaulyǧyna ziian keltıredı. Būl – tek tärtıp būzuşylyq qana emes, tırşılık ielerıne jasalǧan qatygezdık”, – delıngen ortalyq habarlamasynda.
Oqiǧaǧa bailanysty polisiia departamentı tekseru jūmystaryn bastaǧanyn habarlady.
Qazırgı taŋda beinebaqylau kameralarynyŋ jazbalary zerdelenıp, kuägerler anyqtalyp, jauap alynuda. Qūzyrly organdar oqiǧaǧa qatysy bar tūlǧalardy anyqtaǧannan keiın, olardyŋ äreketterıne Qazaqstan Respublikasynyŋ qoldanystaǧy zaŋnamasyna säikes qūqyqtyq baǧa berıp, tiıstı şeşım qabyldaitynyn mälımdedı.
Mamandar tūrǧyndardy januarlarǧa jauapkerşılıkpen qarauǧa şaqyryp, mūndai äreketterdıŋ zaŋ aldynda jauapkerşılıkke äkeluı mümkın ekenın eskerttı.
