10 säuır künı taŋǧy uaqytta Abai oblysynda adam ölımımen aiaqtalǧan auyr jol-kölık oqiǧasy tırkeldı, dep habarlaidy "Adyrna" ūlttyq portaly.
Oblystyq polisiianyŋ mälımetınşe, taŋǧy saǧat 6 şamasynda 33 jastaǧy Volkswagen Passat kölıgınıŋ jürgızuşısı Semei qalasynan Boroduliha auylyna qarai baǧyt alǧan. Alaida joldyŋ 16-şaqyrymynda rulge ie bola almai, kölık jol jiegıne ūşyp ketken. Avtokölık orman alqabyndaǧy aǧaştarǧa soǧylyp, qatty soqqy saldarynan jürgızuşı oqiǧa ornynda köz jūmdy.
«Apat saldarynan jürgızuşı alǧan jaraqattarynan oqiǧa ornynda qaitys boldy. Osy faktı boiynşa Qylmystyq kodekstıŋ tiıstı babymen sotqa deiıngı tergeu bastaldy», – delıngen polisiia taratqan resmi mälımette.
Qazırgı taŋda oqiǧanyŋ män-jaiy anyqtalyp jatyr. Saraptamalar taǧaiyndalǧan.
Ūqsas jaŋalyqtar
