Semeı qalasynda bir top jigit tóbelesken, dep habarlaıdy "Adyrna" tilshisi Stan.kz-ke siltep.
Tún ishinde bolǵan tóbelestiń vıdeosy áleýmettik jelide taraǵan. Beıneden tóbeleskenderdiń armatýra qoldanyp, bir-birin urǵanyn kórýge bolady. Tipti bir jigit jaraqat alyp, qulaǵan.
Keı aqparattarǵa súıensek, jábirlenýshi aýyr jaraqat alyp, komaǵa túsken. Jappaı tóbeleske qatysty Abaı oblysynyń polıııa departamenti de túsinikteme berdi.
“Áleýmettik jelide taratylǵan jappaı tóbeles faktisine qatysty beınejazba boıynsha 20 qańtarynda Semeı qalasynyń Zaton polıııa bólimi - densaýlyqqa zııan keltirýge beıimdelgen zattardy qoldana otyryp, adamdar toby jasaǵan qasaqana densaýlyqqa aýyr zııan keltirý jáne buzaqylyq boıynsha sotqa deıingi tergep-tekserýdi bastaǵanyn habarlaıdy. Qazirgi ýaqytta kináli adamdar anyqtalyp ýaqytsha ustaý ızolıatoryna qamaýǵa alyndy”, – delingen habarlamada.
Polıııanyń málimetinshe, tóbeles saldarynan qaza tapqandar joq.
