سەمەي قالاسىندا ءبىر توپ جىگىت توبەلەسكەن، دەپ حابارلايدى "ادىرنا" ءتىلشىسى Stan.kz-كە سىلتەپ.
ءتۇن ىشىندە بولعان توبەلەستىڭ ۆيدەوسى الەۋمەتتىك جەلىدە تاراعان. بەينەدەن توبەلەسكەندەردىڭ ارماتۋرا قولدانىپ، ءبىر-ءبىرىن ۇرعانىن كورۋگە بولادى. ءتىپتى ءبىر جىگىت جاراقات الىپ، قۇلاعان.
كەي اقپاراتتارعا سۇيەنسەك، جابىرلەنۋشى اۋىر جاراقات الىپ، كوماعا تۇسكەن. جاپپاي توبەلەسكە قاتىستى اباي وبلىسىنىڭ پوليتسيا دەپارتامەنتى دە تۇسىنىكتەمە بەردى.
“الەۋمەتتىك جەلىدە تاراتىلعان جاپپاي توبەلەس فاكتىسىنە قاتىستى بەينەجازبا بويىنشا 20 قاڭتارىندا سەمەي قالاسىنىڭ زاتون پوليتسيا ءبولىمى - دەنساۋلىققا زيان كەلتىرۋگە بەيىمدەلگەن زاتتاردى قولدانا وتىرىپ، ادامدار توبى جاساعان قاساقانا دەنساۋلىققا اۋىر زيان كەلتىرۋ جانە بۇزاقىلىق بويىنشا سوتقا دەيىنگى تەرگەپ-تەكسەرۋدى باستاعانىن حابارلايدى. قازىرگى ۋاقىتتا كىنالى ادامدار انىقتالىپ ۋاقىتشا ۇستاۋ يزولياتورىنا قاماۋعا الىندى”، – دەلىنگەن حابارلامادا.
پوليتسيانىڭ مالىمەتىنشە، توبەلەس سالدارىنان قازا تاپقاندار جوق.
