روزا ليۋكسەمبۋرگ قورى قازاقستانداعى وكىلدىگى«ستراتەگيا-الەۋمەتتىك جانە ساياسي زەرتتەۋلەر ورتالىعى» بىرلەسە وتىرىپ، «قازىرگى قازاقستاندىق قالاداعى اتەيستەر مەن اتەيستىك نانىمداردى قابىلداۋ: ۇرپاقتار اراسىندا» اتتى زەرتتەۋ ەڭبەگىن شىعاردى، دەپ حابارلايدى «ادىرنا» ۇلتتىق پورتالى.
زەرتتەۋ 6 قالادا جۇرگىزىلگەن. بۇل قالالار قاتارىندا - الماتى، شىمكەنت، اقتاۋ، جاڭاوزەن، قوستاناي جانە رۋدنىي بار. وسى قالالار مەن وبلىستاردا (قوستاناي جانە ماڭعىستاۋ) سوڭعى ساناق دەرەكتەرى بويىنشا اتەيستەردىڭ ەڭ كوبى، سونىمەن بىرگە ءوز ءدىنى تۋرالى سۇراققا جاۋاپ بەرۋدەن باس تارتقانداردىڭ جوعارى ۇلەسى تىركەلگەن.
كىتاپتى جازعان اۆتورلار ەڭ ماڭىزدىسى – كونستيتۋتسيادا وزدەرىن زايىرلى مەملەكەت ەكەنىن كورسەتە وتىرىپ، بۇل تۇجىرىمدامانى جەدەل تۇردە جۇزەگە اسىرماعانىن، قوعامدى بۇزۋى مۇمكىن كوپ باعىتتى قامتىعانىن ايتادى.
«ايتپاقشى، تاۋەلسىز قازاقستاندى قۇرۋداعى نەگىزگى ەكى باعىتتى اتاپ وتۋگە بولادى: نارىقتىق تەتىكتەر ءبارىن ەكونوميكالىق تۇرعىدان جاڭعىرتسا، ءدىن مەيىرىم مەن ادامگەرشىلىكتى قالىپتاستىرادى دەگەن جاڭىلىس ەكى تۇسىنىك بولدى. مەنىڭ ويىمشا، بۇل جۇمىس ىستەمەيتىنى انىق»، - دەيدى كىتاپ اۆتورلارى.
