پرەزيدەنت قاسىم-جومارت توقاەۆ مۋسينگە 6 ايدا اۋىل مەكتەپتەرىن ساپالى ينتەرنەتپەن قامتۋدى تاپسىردى. بۇل تۋرالى ول رەسپۋبليكالىق پەداگوگتەر سەزىندە ايتتى، دەپ حابارلايدى “ادىرنا” ۇلتتىق پورتالى.
توقاەۆتىڭ ايتۋىنشا، قازاقستاندا الەمنىڭ بەدەلدى وقۋ ورىندارىمەن باسەكەگە تۇسە الاتىن مەكتەپتەر بار. الايدا، وندا ەلدەگى بالالاردىڭ تەك جۇزدەن ءبىر بولىگى عانا وقيدى.
تسيفرلىق مۇمكىندىكتەر شالعاي اۋداندارداعى مەكتەپ وقۋشىلارىن دا ەلىمىزدىڭ جانە الەمنىڭ ۇزدىك مۇعالىمدەرىنىڭ ساباقتارىمەن قامتاماسىز ەتە الار ەدى. سوندىقتان بۇل ۇكىمەتتىڭ الدىندا تۇرعان كەزەك كۇتتىرمەيتىن مىندەت. التى ايدان كەيىن وسى نۇسقاۋدىڭ ورىندالۋىن تەكسەرەمىن، - دەدى ول.
