سەمەيدە ءوز قۇرداسىن ولتىرگەن كامەلەتكە تولماعان بالاعا ۇكىم شىقتى. بۇل تۋرالى اbainews.kz جاريالادى، دەپ حابارلايدى “ادىرنا” ۇلتتىق پورتالى.
وقيعا ماۋسىم ايىندا “مۇرات” ساياجايىندا بولعان. ەكى كامەلەتكە تولماعان ءجاسوسپىرىم بولماشى ماسەلە ءۇشىن جانجالعا ءتۇسىپ، جانجال بارىسىندا ولاردىڭ ءبىرى قارسىلاسىنىڭ مويىنىنا پىشاقپەن ۇرعان. سوڭعىسى العان جاراقاتىنان قايتىس بولعان.
2023 جىلعى 18 قىركۇيەكتە اباي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن كامەلەتكە تولماعان ا. قك-ءنىڭ 99 – بابى 3 – بولىگى بويىنشا (كامەلەتكە تولماعان ادامدى ءولتىرۋ) 7 جىل 6 ايعا باس بوستاندىعىنان ايىرىلىپ، جازاسىن كامەلەتكە تولماعانداردى ۇستاۋ ءۇشىن ورتاشا قاۋىپسىزدىك قىلمىستىق-اتقارۋ جۇيەسىنە بەلگىلەنگەن. ۇكىم زاڭدى كۇشىنە ەنگەن جوق،- دەلىنگەن حابارلامادا.
