ۋنيۆەرسيتەتتەردە پاندەردى وقىتۋدىڭ مازمۇنى مەن ءادىسىن ايتارلىقتاي جاڭارتۋ قاجەت. بۇل تۋرالى مەملەكەت باسشىسى Digital Bridge فورۋمىندا ايتتى، دەپ حابارلايدى “ادىرنا” ۇلتتىق پورتالى.
پرەزيدەنت بولاشاق مۇعالىمدەر، دارىگەرلەر، اگرونومدار، زاڭگەرلەر جانە سالالىق ماماندار جاساندى ينتەللەكت بويىنشا بازالىق ءبىلىمدى مىندەتتى تۇردە مەڭگەرۋى كەرەك ەكەنىن اتاپ ءوتتى.
مەن جۋىرداعى جولداۋىمدا كەمىندە ءۇش بەلگىلى جوعارى وقۋ ورنى جاساندى ينتەللەكت باعىتىنا قاجەتتى كادر دايارلاۋمەن جانە زەرتتەۋلەر جۇرگىزۋمەن اينالىسۋى كەرەك دەگەن مىندەت جۇكتەدىم. نازارباەۆ ۋنيۆەرسيتەتى جانىنداعى اقىلدى جۇيەلەر جانە جاساندى ينتەللەكت ينستيتۋتىن تولىققاندى عىلىمي-زەرتتەۋ ينستيتۋتىنا اينالدىرۋ تاعى ءبىر ماڭىزدى قادام بولماق، - دەدى ەل باسشىسى.پرەزيدەنتتىڭ ايتۋىنشا، وندا ۇزدىك ماماندار مەن ساراپشىلاردىڭ ورتالىعىنا اينالىپ، ءبىرتۇتاس ەكوجۇيە قالىپتاستىرۋى كەرەك.
ينستيتۋت قۇرامىنا IT يندۋسترياسىنىڭ الەمدىك جانە وتاندىق كوشباسشىلارىمەن تىعىز بايلانىستا جۇمىس ىستەيتىن عىلىمي-زەرتتەۋ جانە تاجىريبەلىك-كونسترۋكتورلىق جۇمىستار ورتالىعى كىرەدى. وسى رەتتە ينستيتۋت ازىرلەمەلەرىن كوممەرتسيالاندىرۋ جانە كەڭەيتۋ ماڭىزدى، – دەدى قاسىم-جومارت توقاەۆ.
