استانادا الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ ءححى وتىرىسى اياسىندا مۇسىلمان اقساقالدار كەڭەسى وكىلدىگىنىڭ اشىلۋ ءراسىمى ءوتتى. بۇل تۋرالى قازاقستان مۇسىلماندارى ءدىني باسقارماسىنىڭ ءباسپاسوز حاتشىسى اعابەك قوناربايۇلى مالىمدەدى، دەپ حابارلايدى “ادىرنا” ۇلتتىق پورتالى.
ءىس-شاراعا قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعانۇلى قاتىستى.
اقپاراتقا سايكەس، پارلامەنت سەناتىنىڭ توراعاسى – الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى ماۋلەن اشىمباەۆ مۇسىلمان اقساقالدار كەڭەسى وكىلدىگىن اشۋ تۋرالى ۇسىنىستى ءال-ازھاردىڭ جوعارعى يمامى، شەيح احمەد ءات-تايەب جاساعانىن ايتتى. قازاقستان پرەزيدەنتى قاسىم-جومارت توقاەۆ بۇل باستاماعا قولداۋ بىلدىرگەن.
مۇسىلمان اقساقالدار كەڭەسى بارلىق دىندەردىڭ ىنتىماعىن نىعايتۋدى كوزدەيدى. وسىنداي بەدەلدى ۇيىمنىڭ ايماقتاعى وكىلدىگىنىڭ قازاقستاندا اشىلۋى ءبىز ءۇشىن ۇلكەن مارتەبە، – دەدى م.اشىمباەۆ.
ايتا كەتەيىك، مۇسىلمان اقساقالدار كەڭەسى – بەيبىتشىلىك پەن جاھاندىق دىنارالىق ديالوگتى نىعايتۋ ماقساتىمەن قۇرىلعان تاۋەلسىز حالىقارالىق ۇيىم. كەڭەستىڭ فيليالدارى بۇعان دەيىن شۆەيتساريا، مىسىر جانە ماروككو ەلدەرىندە اشىلعان.
