Astanada Álemdik jáne dástúrli dinder lıderleri sezi hatshylyǵynyń HHI otyrysy aıasynda Musylman aqsaqaldar keńesi ókildiginiń ashylý rásimi ótti. Bul týraly Qazaqstan musylmandary dinı basqarmasynyń baspasóz hatshysy Aǵabek Qonarbaıuly málimdedi, dep habarlaıdy “Adyrna” ulttyq portaly.
Is-sharaǵa Qazaqstan musylmandary dinı basqarmasynyń tóraǵasy Naýryzbaı qajy Taǵanuly qatysty.
Aqparatqa sáıkes, Parlament Senatynyń Tóraǵasy – Álemdik jáne dástúrli dinder kóshbasshylary sezi hatshylyǵynyń basshysy Máýlen Áshimbaev Musylman aqsaqaldar keńesi ókildigin ashý týraly usynysty Ál-Azhardyń Joǵarǵy ımamy, sheıh Ahmed át-Taıeb jasaǵanyn aıtty. Qazaqstan Prezıdenti Qasym-Jomart Toqaev bul bastamaǵa qoldaý bildirgen.
Musylman aqsaqaldar keńesi barlyq dinderdiń yntymaǵyn nyǵaıtýdy kózdeıdi. Osyndaı bedeldi uıymnyń aımaqtaǵy ókildiginiń Qazaqstanda ashylýy biz úshin úlken mártebe, – dedi M.Áshimbaev.
Aıta keteıik, Musylman aqsaqaldar keńesi – beıbitshilik pen jahandyq dinaralyq dıalogty nyǵaıtý maqsatymen qurylǵan táýelsiz halyqaralyq uıym. Keńestiń fılıaldary buǵan deıin Shveıarııa, Mysyr jáne Marokko elderinde ashylǵan.
