TikTok-تا حيدجاب كيۋ تۋرالى تىيىمعا قارسى فلەشموب بەلسەندى تاراپ جاتىر. جەلى قولدانۋشىلارى وزدەرىنىڭ نارازىلىقتارىن ءبىلدىرىپ، ءتۇرلى ۆيدەوروليك تۇسىرۋدە، دەپ حابارلايدى «ادىرنا» ءتىلشىسى.
«مەن وقۋدان، مانساپتان باس تارتامىن، بىراق ەشقاشان حيدجابىمدى شەشپەيمىن»،—دەيدى قىزداردىڭ ءبىرى.
بۇعان دەيىن مادەنيەت جانە اقپارات ءمينيسترى ايدا بالاەۆا قازاقستاندا كەيبىر ءدىني كيىمدەردى كيۋگە شەكتەۋلەر ەنگىزۋ ماسەلەسى قاراستىرىلىپ جاتقانىن ايتقان ەدى.
ال قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتتەرى حالىقارالىق قىزدار كۇنى قارساڭىندا ۇلتتىق قۇندىلىقتاردى دارىپتەۋگە باعىتتالعان چەللەندج باستادى.
قازاقتىڭ قىز-كەلىنشەكتەرى شاشقا ءسان بەرىپ، ويۋلانعان شاشباۋ، كۇمىستەلگەن شولپى تاققان.
ءبىلىم الۋشىلار بارشا قازاق ارۋىن شاشباۋ مەن شولپى تاعۋعا شاقىردى.
