كوستەنكو اتىنداعى شاحتادا ساعات 16:00 جاعداي بويىنشا 32 ادامنىڭ دەنەسى تابىلدى، 14 كەنشىنى ىزدەۋ جالعاسۋدا، دەپ حابارلايدى «ادىرنا» ۇلتتىق پورتالى.
«ارسەلورميتتالتەمىرتاۋ» اق كومىر دەپارتامەنتىنىڭ كوستەنكو اتىنداعى شاحتاداعى اۆاريالىق-قۇتقارۋ جۇمىستارىنا «كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى» جشس قاراعاندى فيليالىنىڭ تاۋ-كەن قۇتقارۋشىلارى جۇمىلدىرىلدى.
گاز جاعدايىن باقىلاۋ، سىنامالاردى الۋ، سونداي-اق تابىلعان دەنەلەردى شىعارۋ جۇمىستارى جۇرگىزىلۋدە.
اقپاراتتىق جانە پسيحولوگيالىق قولداۋ ءۇشىن قاراعاندى قالاسىندا (تجد 8-7212-51-72-23, ارسەلورميتتال تەمىرتاۋ 8-7212-49-72-70) جانە استانادا (8-7172-70-41-08) «جەدەل جەلى» تەلەفوندارى جۇمىس ىستەيدى.
«ادىرنا» ۇلتتىق پورتالى