الماتى-قورعاس تاسجولىنداعى پەنوپلاستى الىپ، ولقىلىقتى كورسەتكەن جۋرناليست دياس نۇراقىننىڭ ۇستىنەن ارىز ءتۇسىرىپ، مەحمەتتەرىن ايداقتاعان "قازاۆتوجول" اق باسشىسى مەيىرحات قاسىمباەۆ جۇمىستان بوساتىلعان. بۇل تۋرالى دياس نۇراقىن Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
ءجۋرناليستىڭ ايتۋىنشا، بەتون جولدىڭ جىگىنە سالىنعان پەنوپلاستتىڭ ءبىر ۇشى جۇمىستان بوساتىلعان باسشىعا تاياق بولىپ تيگەن سەكىلدى.
قوعامدىق رەزوناناس تۋدىرعان سول ۆيدەو پرەزيدەنت اكىمشىلىگىنە دەيىن جەتىپتى دەگەن اڭگىمە ەستىگەم. نە دە بولسا جول سالاسىندا جۇمىس ىستەيتىندەر بۇگىنگى جاڭالىققا قۋانىپ وتىر. ءبىراز بىلىقتى اشتىڭ، ارى قاراي دا توقتاما دەپ تابانىما شوق تاستاپ قويدى. جول سالاسىنداعى ءبىراز زاڭسىزدىقتاردى زەرتتەپ جاتىرمىن. كەنشىلەردى ارۋلاپ كومىپ، ميتتالدىڭ ماسەلەسىن ماي شاممەن قاراپ الايىق. جولدىڭ جالعاسىن جازامىن، كورسەتەمىن، ايتامىن. ازىرگە جارتىلاي جەڭىس ءبىز جاقتا، دەپ جازدى دياس نۇراقىن.
