ساتيرانىڭ سۇرمەرگەنى بازارباي الەۋحانۇلى قايتىس بولدى

64 جاسىندا قازاقستاندىق جۋرناليست بازارباي الەۋحانۇلى قايتىس بولدى، دەپ حابارلايدى "ادىرنا".  ساتيرانىڭ سۇرمەرگەنى، جەزقازعاندىق جۋرناليست بازارباي الەۋحانۇلى قايتىس بولدى. پوەزيا پاتشالىعىندا وزىندىك قولتاڭباسىمەن وي تولعاپ جۇرگەن جۋرناليست ءوز ورتاسىندا ساتيراداعى سۇرمەرگەندىگىمەن تانىلعان ەدى. قالامى – جەبە، ويى - تەرەڭ بولعان جۋرناليست  1959 جىلى 24 قاڭتاردا تۋعان. جوعارى ءبىلىمدى ازامات 1995 جىلى جەزقازعان كەن-تەحنيكالىق ينستيتۋتىندا قۇرىلىسشى-ينجەنەر ماماندىعىن السا، ورتا-ازيا ۋنيۆەرسيتەتىندە 2001 جىلى زاڭگەر ماماندىعىن تامامداعان. جۋرناليستىك ءبىلىمدى 2006 جىلى العان. قازاقستان جۋرناليستەر وداعىنىڭ مۇشەسى بولعان بازارباي الەۋحانۇلى «جەزقازعان قالالىق «ديدار» تەلەراديوحابار ديرەكتسياسى» كوممۋنالدىق مەملەكەتتىك كاسىپورنىنىڭ ديرەكتورى قىزمەتىن اتقاردى.