قاراعاندىداعى اپاتقا ميتتال كىنالى مە، جوق الدە ۇكىمەتتىڭ سالعىرتتىعى سەبەپ بولدى ما؟ بۇل سۇراققا ۇكىمەت باسشىسىنىڭ ورىنباسارى تامارا دۇيسەنوۆا جاۋاپ بەردى، دەپ حابارلايدى «ادىرنا» ۇلتتىق پورتالى.
جۋرناليست «الەۋمەتتىك جەلىدە لاكشمي ميتتالدىڭ گەرمانيا مەن ۋكرايناداعى كومپانيالارى جوعارى تەحنولوگيامەن جابدىقتالعانىن جازىپ جاتىر. بىراق كەيبىر ازاماتتار قاراعاندىداعى اپاتقا جاپپاي ميتتالدى ايىپتاپ جاتىر. بۇعان ميتتال كىنالى مە، جوق الدە ۇكىمەتتىڭ سالعىرتتىعى سەبەپ بولدى ما؟» دەگەن سۇراق قويدى.
«شاحتاعا قاتىستى ستاندارتتىڭ بارلىعى ميتتال باسقاراتىن كومپانيانىڭ الدىنا قويىلعان. ۋكراينادا ءدال وسىنداي جاعدايلار بولدى. گەرمانيا جانە باسقا دا كەنىشتەگى قۇرىلعىلارىمەن مەن جەكە تانىسقانمىن. ەندى بارلىق جەردە كەرەمەت جاساپ قويدى دەپ ايتا المايمىن. سونىڭ ىشىندە ءبىزدىڭ ماسەلەگە ولاردىڭ سالعىرتتىعى بولعان. سوندىقتان دا ءبىز سوڭعى جىلدارى ول كىسىلەرگە وتە قاتتى جۇمىس ورىندارى تۋرالى ەسكەرتۋ بەرگەنبىز. ونىڭ ەڭ نەگىزگىسى، بىزدەگى جۇمىس ينسفەكتسياسىنداعى ەڭ ءبىرىنشى ماسەلە - مەديتسينالىق تالداۋدى جاساۋ بولاتىن. سونداي-اق ءدال سونداي قۇرىلعىلاردى بىزدە قويۋدى تالاپ ەتىپ قويعانبىز. سوڭعى 3 جىلدا 50 ملرد ءبولىپ، كەزەڭ-كەزەڭ بويىنشا ءبىز ايتقان قۇرىلعىلاردى قويا باستادى. بىراق اتالعان كومپانيا ءبىز ايتقان تالاپتىڭ ءبارىن ورىندادى دەپ ايتا المايمىز»، – دەدى تامارا دۇيسەنوۆا.
بۇدان بولەك قايتادان «اپاتقا بايلانىستى ۇكىمەتتىڭ ايىبى جوق پا؟» دەگەن ساۋال قويىلعاندا تامارا قاسىمقىزى «ۇكىمەتتىڭ كانىسى جوق دەپ ايتا المايمىز. بىراق بۇل جەردە كومپانيانىڭ كىناسى كوبىرەك دەپ ويلايمىن»، - دەپ قىسقا قايىردى.
«ادىرنا» ۇلتتىق پورتالى
