ءبىر توپ مۇعالىم پرەزيدەنت پەن ءماجىلىس توراعاسىنا اشىق حات جولداپ، وقۋ-اعارتۋ ءمينيسترى عاني بەيسەمباەۆتىڭ وتستاۆكاعا كەتۋىن تالاپ ەتىپ وتىر، دەپ حابارلايدى «ادىرنا» ءتىلشىسى.
«قۇرمەتتى قاسىم-جومارت كەمەلۇلى! «حالىق تۇزەلۋىنىڭ ءۇمىتى جاستاردا، سوندىقتان جاستاردىڭ قالاي وقىپ، قالاي تاربيەلەنۋى بارىنەن بۇرىن ەسكەرىپ، بارىنەن جوعارى قويىلاتىن جۇمىس»، - دەگەن ۇلت ۇستازى احمەت بايتۇرسىنۇلى. ءبىزدى دە الاڭداتاتىن سول جاعداي.
بۇگىنگى ۇرپاق قالاي تاربيەلەنىپ جاتىر؟ دارىندى جاستار «پەداگوگ مارتەبەسى» تۋرالى زاڭ قابىلدانعان سوڭ ۇستازدىققا بەت بۇردى. ەلىمىزدىڭ ءبىلىم سالاسى پاندەمياداي قيىن جاعداي بولسا دا، سوڭعى جىلدارى ۇزدىكسىز دامىپ كەلەدى. قازىر ءبىلىم-عىلىمعا بەت بۇرعان جاستاردىڭ دا لەگى ارتۋدا. بۇل ەلىمىزدىڭ بولاشاعى ءۇشىن ۇلكەن كۇش.
بىراق سوڭعى تاعايىندالعان وقۋ-اعارتۋ ءمينيسترى عاني بەكتايۇلى بەيسەمباەۆ بۇل وزگەرىستەرگە سابوتاج جاساۋدا. جۇرگەن جەرىندە كوپىرمە ءسوز بەن وتىرىكتەن اسپايتىن مينيستر ءتىپتى شاعىن مەكتەپتى باسقاراتىن دەڭگەيى جوق ەكەندىگىن كورسەتۋدە. بۇلاي كەتە بەرسە ەلىمىزدىڭ بولاشاعى ءۇشىن اسا ماڭىزدى سالا - ۇرپاقتىڭ ءبىلىمى مەن تاربيەسىنە تىكە قاتىستى سالا وقۋ-اعارتۋ ىسىندەگى سوڭعى جىلدار جاسالعان وڭ وزگەرىستەر قۇردىمعا كەتەدى»،—دەلىنگەن حاتتا.
مۇعالىمدەردىڭ ايتۋلارىنشا، عاني بەيسامباەۆ جاڭا قىزمەتكە كىرىسكەننەن كەيىن مينيسترلىكتىڭ باسشىلىق قۇرامىنا اۋىس-ءتۇيىس جاساعان.
«ءوز ادامدارىن جيناپ جاتىر. ءبىرىنشى ۆيتسە-مينيستردەن باستاپ كوميتەت توراعالارى، ونىڭ ورىنباسارلارى، اپپارات جەتەكشىسى، ورىنباسارى، دەپارتامەنتتەردىڭ ديرەكتورلارى، ورىنباسارلارى بارلىعىن اۋىستىردى. ءتىپتى باس مامانعا دەيىن قۋعىنعا ۇشىرادى. بۇرىننان جۇرگەندەردەن ەشكىم قالمادى دەسە دە بولادى. تامىر-تانىستىق بەلگىلى ءبىر وزگەرىسكە نە جاڭاشىلدىققا اپارمايتىنى بۇرىننان بەلگىلى.
عاني بەكتايۇلى بۇعان دەيىن ءبىلىم مازمۇنىن ساراپتاۋ ورتالىعى ديرەكتورى مەن ى.التىنسارين اتىنداعى ءبىلىم اكادەمياسىنىڭ پرەزيدەنتى بولعان كەزدە دە، وكىنىشكە وراي، سول مەكەمەلەردىڭ توز-توزىن شىعارعان ەدى»،—دەيدى ءبىلىم بەرۋ سالاسىنىڭ ماماندارى.
ولار ءمينيستردىڭ مۇعالىمدەر قۇقىعىن قورعامايتىنىنا نارازى. ايتۋلارىنشا،
عاني بەيسامباەۆتىڭ بىتكەن نەمەسە ناقتى ىستەلگەن ءىسى جوق.
«كەلگەننەن بەرى قۇر ۇران، قۇر سوزدەرمەن تويعىزىپ كەلەدى. بىتكەن نەمەسە ناقتى ىستەلگەن ءىس جوق. ءبىلىم سالاسىنىڭ، ونىڭ ىشىندە وقۋ-اعارتۋ سالاسىنا، ءبىلىم ساپاسىن كوتەرۋ، ماتەريالدىق تەحنيكالىق بازا جۇمىستارىن رەتتەيتىن قۇجاتتاردىڭ شيكى تۇستارى ودان ءارى شيكىلەنە ءتۇستى نەمەسە تازا بيزنەسكە قاراي ناقتى جول اشىپ بەردى دەۋگە دە بولادى.
قاراپايىم مۇعالىمدەردىڭ اتتەستاتسياسى، ءبىلىم مازمۇنى، ءبىلىم باعدارلاماسى، ءتىپتى وقۋ جوسپارىنا دەيىنگى قۇجاتتار ودان سايىن بىلىعىپ، ماماندار اۋرە-سارساڭعا ءتۇسىپ جاتىر. ءالى بىردە ءبىر ناقتى قۇجات جوق، جىلعا جۋىق ۋاقىت بوس سوزبەن كەلەدى، كەرىسىنشە قانشاما ءىس ءۇستى-ۇستىنە قوسىلىپ جاتىر.
ءبىز، ءبىر توپ ۇستاز، ءبىلىم سالاسىنىڭ جاناشىرلارى، سىزدەن تەز ارادا قاتاڭ شەشىم قابىلداپ، 27-اق ايدا مينيستر دارەجەسىنە قوعامعا بەلگىسىز جولمەن جەتە سالعان ادامدى وتستاۆكاعا جىبەرىپ، ەلدىڭ بولاشاعىن ايقىندايتىن ءبىلىم سالاسىنان بەيكاسىبي ماماندى الاستاۋدى تالاپ ەتەمىز! ادىلەتتى قازاقستان قۇرۋ باستاماسى تۇسىندا بۇنداي ورەسكەل قاتەلىكتەرگە قاراپ تۇرا الماعاندىقتان، سىزگە ءوتىنىش ايتىپ وتىرمىز.
ءبىز سىزدەن وقۋ-اعارتۋ مينيسترلىگىنىڭ تىزگىنىن وسى سالانىڭ جىلىگىن شاعىپ، مايىن ىشكەن مىقتى مامانعا، باسشىلىق قىزمەتتە جەتكىلىكتى تاجىريبەسى بار بىلىكتى مەنەدجەرگە بەرۋىڭىزدى سۇرايمىز!»,—دەلىنگەن اشىق حاتتا. حات سوڭىندا قول قويعان ادامداردىڭ ءتىزىمى بەرىلگەن.
قۇرمەتپەن، قازاقستان ۇستازدارى:
1. ءومىر شىنىبەكۇلى – «ى.التىنسارين» توسبەلگىسىنىڭ يەگەرى (شىمكەنت قالاسى)
2. اياتجان احمەتجانۇلى (استانا قالاسى)
3. ايمان ساعيدۋللا (الماتى وبلىسى، قاراساي اۋدانى )
4. مەيىرجان تەمىربەك (شىعىس قازاقستان وبلىسى)
5. تىلەكقابىل نۇرىشەۆ (باتىس قازاقستان وبلىسى)
6. اينۇر سابىر ( بقو، ورال قالاسى)
7. اينۇر ەلتوق (شىمكەنت قالاسى)
8. ابديحانوۆا رانو رىستاەۆنا (شىمكەنت قالاسى)
9. اجيبەكوۆا لاززات بۋلەگەنوۆنا (شىمكەنت قالاسى)
10. باتىرحان ايدانا (شىمكەنت قالاسى)
11. ءابدىمومىن مەيرامكۋل نۇرجاۋقىزى (شىمكەنت قالاسى)
12. بارساەۆا جانىلسىن دۋيسەنبيەۆنا (ماڭعىستاۋ وبل.، اقتاۋ قالاسى)
13. بيسەنگاليەۆا ساندۋگاش تۋرماگانبەتوۆنا (باتىس قازاقستان وبلىسى)
14. شيريمبەكوۆا سالتانات (تۇركىستان وبلىسى)
15. راحمەتوۆا كەنجەگۇل ابديكاليكوۆنا (جامبىل وبلىسى)
16. جالعاسوۆا ماريا سماگۋلوۆنا (الماتى وبلىسى، قاراساي اۋدانى)
17. ساپارباەۆا كالامكاس نۋرجانوۆنا (تۇركىستان وبلىسى، تۇلكىباس اۋدانى)
18. داۋلەتباقوۆا گۇلنار (شىمكەنت قالاسى)
19. كاناتوۆا ارداك باتىروۆنا (بقو، ورال قالاسى)
20. سەريكوۆا ايگەريم (بقو، ورال قالاسى)
21. ميرزاباەۆ ەربول (شىمكەنت قالاسى)
22. نۇسىپبەك مەيرامگۇل باراقازاتقىزى (الماتى قالاسى)
23. الىپكاراەۆا مارجان (شىمكەنت قالاسى)
24. ەسمۋرزاەۆا اليا اسىلبەكوۆنا (الماتى وبلىسى، قاراساي اۋدانى)
25. دانا دەربىس (شىمكەنت قالاسى)
26. قايىروۆا مەرۋەرت جۋماباەۆنا (شىمكەنت قالاسى)
27. ساكەتاەۆا جاننا (شىعىس قازاقستان وبلىسى)
28. سمانوۆا ەلميرا (تۇركىستان وبلىسى)
29. سانيا ءنۇسىپالى نۇسىپجانقىزى (الماتى وبلىسى، تالعار اۋدانى)
30. ماناپوۆا اينۇر ابايقىزى (جامبىل وبلىسى)
31. باعيلا بەگينديكوۆا (تۇركىستان وبلىسى، جەتىساي اۋدانى، اسىق اتا كەنتى)
32. ايبار ابايۇلى (اقمولا وبلىسى)
33. كۋلمانوۆا دجاميلا (تۇركىستان وبلىسى، جەتىساي اۋدانى، اسىقاتا كەنتى)
34. نيازباەۆا دينارا (اباي وبلىسى)
35. مەنديباەۆ مىرزاگالي ( ماڭعىستاۋ وبلىسى، جاڭاوزەن قالاسى)
36. سۇلتان ورىنباسار (ساۋران اۋدانى)
37. سەيسەنباي ەرجان (تۇركىستان وبلىسى)
38. حودجاكانوۆا ايگۋل ساكەنوۆنا ( تۇركىستان وبلىسى)
