فوتو: مونتسامەگە
بۇگىن موڭعوليانىڭ پارلامەنتتىك وتىرىسىندا پرەمەر-مينيستر گومبوجاۆىن زاندانشاتارىنىڭ وتستاۆكاسى تۋرالى ۇسىنىس قارالىپ، ءتيىستى قاۋلى قابىلداندى. بۇل تۋرالى مونتسامەگە اگەنتتىگى جاريالادى، دەپ حابارلايدى “ادىرنا”.
بۇل ۇسىنىس بۇعان دەيىن، 16 قازان كۇنى وتكەن ۇلى مەملەكەتتىك حۋرالدىڭ مەملەكەتتىك قۇرىلىم جونىندەگى تۇراقتى كوميتەتىنىڭ وتىرىسىندا تالقىلانعان بولاتىن. الايدا تۇراقتى كوميتەت قازىرگى پرەمەر-ءمينيستردىڭ وتستاۆكاعا كەتۋ تۋرالى ۇسىنىسىن قولدامادى.
بۇگىن تاڭەرتەڭ وتكەن جالپى وتىرىستا دەپۋتاتتار ۇسىنىس بويىنشا سۇراقتار قويىپ، ءوز پىكىرلەرىن ءبىلدىردى. تالقىلاۋدان كەيىن پلەنارلىق وتىرىسقا قاتىسقان 71 دەپۋتات گومبوجاۆىن زاندانشاتارىنىڭ پرەمەر-مينيستر لاۋازىمىنان بوساتىلۋىن قولداپ داۋىس بەردى.
جاڭا پرەمەر-مينيستر تاعايىندالعانعا دەيىن گومبوجاۆىن زاندانشاتار ۇكىمەت باسشىسىنىڭ مىندەتىن ۋاقىتشا اتقارا بەرەدى.
