موڭعوليا پرەزيدەنتى ۋحنااگين حۇرەلسۇح 13–14 قىركۇيەك ارالىعىندا قازاق دياسپوراسى مەكەندەيتىن قوبدا جانە بايان-ولگي ايماقتارىنا جۇمىس ساپارىمەن بارادى، دەپ حابارلايدى "ادىرنا".
ساپار بارىسىندا مەملەكەت باسشىسى قوبدا ايماعىندا ەردەنەبۇرەن سۋ ەلەكتر ستانتسياسىنىڭ قۇرىلىس بارىسىمەن تانىسادى. سونداي-اق ايماق تۇرعىندارىمەن كەزدەسىپ، مەملەكەتتىك ساياسات، ۇلتتىق قوزعالىستار مەن جۇزەگە اسىرىلىپ جاتقان باعدارلامالار تۋرالى اقپارات بەرەدى.
14 قىركۇيەكتە ۋحنااگين حۇرەلسۇح بايان-ولگي ايماعىنىڭ ولگيدە ءبۇحۇن تاۋىنا ۇلى شىڭعىس حاننىڭ قۇرمەتتى پورترەتىن ورناتۋعا ارنالعان سالتاناتتى راسىمگە قاتىسادى.
سونىمەن قاتار موڭعوليا پرەزيدەنتى ايماق تۇرعىندارىمەن كەزدەسىپ، ولگي سۇمىنىنداعى №2 ورتا مەكتەپكە بارادى. وندا مەكتەپتىڭ پەداگوگيكالىق ۇجىمىمەن جانە قىزمەتكەرلەرىمەن كەزدەسەدى.
ايتا كەتەيىك، قازاق دياسپوراسى قوبدا مەن بايان-ولگيگە حVIII عاسىردا كوشكەن. ال 1940 جىلى بايان-ولگي ايماعىن قۇرۋ تۋرالى شەشىم قابىلداندى.
