بايقوڭىر قالالىق ءبىلىم ءبولىمى قالاداعى ورىس مەكتەپتەرىندە قازاق ءتىلى مەن ادەبيەتى ءپانىن وقىتۋ ءتارتىبىن ءتۇسىندىردى، دەپ حابارلايدى «ادىرنا» ءتىلشىسى.
«رەسەي-قازاقستان ۇكىمەتارالىق كوميسسياسىنىڭ سەگىزىنشى وتىرىسىنىڭ قورىتىندىسى بويىنشا «قازاق ءتىلى مەن ادەبيەتى»، «قازاقستان تاريحى» پاندەرىن وقىتۋ ماسەلەسىن بىرلەسىپ زەردەلەۋ تۋرالى شەشىم قابىلداندى. بايقوڭىر قالاسىنىڭ ورىس مەكتەپتەرىندە بۇل پاندەردى وقۋ تەك وقۋشىلاردىڭ جەكە قاجەتتىلىكتەرىن قاناعاتتاندىرۋ شەڭبەرىندە جۇزەگە اسادى. ياعني، ولاردىڭ قالاۋى بويىنشا مەكتەپتەن تىس جۇمىس تۇرىندە وقۋعا بولادى»،—دەلىنگەن حابارلامادا.
ايتا كەتەيىك، قالاداعى 12 ورتا مەكتەپتىڭ بەسەۋى قازاقستاننىڭ ءبىلىم ستاندارتى بويىنشا جۇمىس ىستەيدى، ال قالعان مەكتەپتەر رەسەيگە تيەسىلى.
