روبوتوتەحنيكا بويىنشا پاناما قالاسىندا وتكىزىلگەن دۇنيەجۇزىلىك «World Robot Olympiad» وليمپياداسىندا قازاقستاندىق وقۋشىلار جەڭىمپاز اتاندى. بۇل تۋرالى وقۋ-اعارتۋ مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى«ادىرنا» ۇلتتىق پورتالى.
وقۋ-اعارتۋ مينيسترلىگىنىڭ مالىمەتىنشە، سايىستا 80-نەن استام مەملەكەتتىڭ 10-19 جاس ارالىعىنداعى 6-11 سىنىپ وقۋشىلارى باق سىناعان.
دودا ماقساتى – روبوتتاردى جوبالاۋ، باعدارلامالاۋ، ينجەنەرلىك عىلىمدار جانە باسقا دا يننوۆاتسيالىق ءبىلىم بەرۋ تەحنولوگيالارى سالاسىنداعى دارىندى وقۋشىلاردى انىقتاۋ جانە قولداۋ.
روبوتوتەحنيكادان دۇنيەجۇزىلىك وليمپيادانىڭ قورىتىندىسى بويىنشا، قازاقستاندىق ءۇش كوماندا جۇلدەگەر اتاندى.
ولار:
- 2 ورىن (كۇمىس) «Future Engineers» كاتەگورياسىندا – استانالىق 10-سىنىپ وقۋشىلار انسار ساۋرباەۆ جانە امير كاراباەۆ;
- 3 ورىن (قولا) «Robo Mission» كاتەگورياسىندا – استانا قالاسىنىڭ 8-9 سىنىپ وقۋشىلارى ۆاگيز ديسەمباەۆ پەن جانارىس كاپاروۆ;
- 3 ورىن (قولا) «Future Engineers» كاتەگورياسىندا – قىزىلوردا قالاسىنىڭ 11-سىنىپ وقۋشىلارى ماكسيم ۋسولتسەۆ پەن دىنمۇحامەد ابديەۆ.
ايتالىق، دۇنيەجۇزىلىك روبوتتار وليمپياداسى ەڭ العاش 2004 جىلى سينگاپۋردا 1-روبوتتار سايىس- فەستيۆالى رەتىندە وتكەن بولاتىن. قازاقستان اتالعان وليمپياداعا 2014 جىلدان بەرى قاتىسىپ كەلەدى.
«ادىرنا» ۇلتتىق پورتالى