قازاقستاننىڭ ۇلتتىق بانكى ۇلتتىق ۆاليۋتا بانكنوتتارىنىڭ جاڭا سەرياسىن تانىستىردى. ول «ساق ءستيلىنىڭ» ەلەمەنتتەرىنە نەگىزدەلگەن جانە كوشپەلىلەردىڭ بىرەگەي مادەنيەتىنەن قازىرگى قازاقستانعا دەيىنگى ەلدىڭ مۇراسىن كورسەتەدى، - دەپ حابارلايدى “ادىرنا” ۇلتتىق پورتالى.
بانكنوتتاردىڭ جاڭا سەرياسى شىعارىلعان سايىن اينالىمعا تۇسەدى. نومينالى 5 مىڭ تەڭگەلىك جاڭارتىلعان ديزاينداعى العاشقى بانكنوت اعىمداعى جىلدىڭ سوڭىنا دەيىن قولجەتىمدى بولادى.
“حالىقارالىق تاجىريبەگە سايكەس قاۋىپسىزدىكتىڭ جاقسارتىلعان دەڭگەيلەرىن ەنگىزۋ جانە جالعان اقشا جاساۋدىڭ الدىن الۋ ماقساتىندا بانكنوتتاردىڭ ديزاينى كەزەڭ-كەزەڭىمەن جاڭارتىلۋدا. سونداي-اق ەلىمىزدىڭ مادەني قۇندىلىقتارى مەن تاريحىن تانىمال ەتۋ ماڭىزدى ەلەمەنت بولىپ تابىلادى”، دەپ اتاپ ءوتتى ۇلتتىق بانك.
جاڭا بانكنوتتاردى قازاقستان رەسپۋبليكاسىنىڭ بۇكىل اۋماعىندا نومينالدى قۇنى بويىنشا تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە قازاقستان رەسپۋبليكاسىنىڭ بارلىق بانكتەرىندە اۋدارۋ، وزگەرتۋ جانە ايىرباستاۋ ءۇشىن قابىلداۋ تالاپ ەتىلەدى.
ۇلتتىق بانك ەسكى جانە جاڭا ۇلگىدەگى بانكنوتتاردىڭ پاراللەل اينالىس مەرزىمىن 1 جىلعا بەلگىلەيدى، قاجەت بولعان جاعدايدا ۇزارتىلۋى مۇمكىن.
پاراللەل اينالىس كەزەڭى اياقتالعاننان كەيىن بارلىق بانكتەر مەن «قازپوچتا» اق ەسكى ۇلگىدەگى بانكنوتتاردى جاڭا ۇلگىدەگى بانكنوتتارعا 3 جىل ىشىندە، ۇلتتىق بانك فيليالدارى - مەرزىمسىز ايىرباستايدى.
ەسكە سالا كەتەيىك، بۇگىن قازاقستاندا ۇلتتىق ۆاليۋتا جانە قارجىگەرلەر كۇنى. بيىل تەڭگەنىڭ اينالىمعا شىققانىنا 30 جىل تولىپ وتىر.
