تالدىقورعان پوليتسياسىنىڭ باسشىسى مارات كۇشتىباەۆ ەكى ايعا قاماۋعا الىندى. ول قىز زورلادى دەگەن كۇدىككە ىلىنگەن، دەپ حابارلايدى "ادىرنا" پورتالى.
«سوت 2023 جىلعى 14 قاراشادا كۇدىكتى ك.-عا قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشحاتتى قاناعاتتاندىرۋ تۋرالى شەشىم قابىلدادى" دەپ تالدىقورعان قالاسىنىڭ مامانداندىرىلعان تەرگەۋ سوتىندا حابارلاندى.
قاۋلى ءالى زاڭدى كۇشىنە ەنگەن جوق.
ەسكە سالا كەتەيىك، 12 قاراشادا وبلىستىق پوليتسيا دەپارتامەنتىنە 27 جاستاعى بويجەتكەن جەكە قاۋىپسىزدىگىنە قاتىستى شاعىممەن حابارلاستى. ول تالدىقورعان پد باستىعىنىڭ زورلاعانى تۋرالى حابارلادى، جاعداي كەڭسەدە بولعان.
كەيىن جابىرلەنۋشىنىڭ ادۆوكاتى كەيبىر جايتتاردى ايتتى. ونىڭ ايتۋىنشا، مارات كۇشتىباەۆتىڭ كابينەتىنەن ۇرىق، قىزدىڭ شاشى مەن گيگيەنالىق توسەنىشى تابىلعان.
پوليتسەيلەر قر قىلمىستىق كودەكسىنىڭ 120-بابىنىڭ 2-بولىگى «زورلاۋ» بويىنشا قىلمىستىق ءىس قوزعادى. قازىر سوتقا دەيىنگى تەرگەۋ امالدارى جۇرگىزىلۋدە.
