قازاقستان حالقىنىڭ سانى 20 ميلليونعا جەتتى. بۇل تۋرالى پرەزيدەنت قاسىم-جومارت توقاەۆ جاڭالىقپەن قۇتتىقتادى، دەپ حابارلايدى “ادىرنا” ۇلتتىق پورتالى.
حالقىمىزدىڭ سانى 20 ميلليونعا جەتتى! بارشاڭىزدى اقجولتاي جاڭالىقپەن قۇتتىقتايمىن! باقىتتى وتباسى – باقۋاتتى ەلدىڭ نەگىزى. مەملەكەت وتباسى قۇندىلىقتارىن نىعايتۋعا، انا مەن بالانى قورعاۋعا باسا ءمان بەرەدى، – دەپ جازدى قاسىم-جومارت توقاەۆ ح پاراقشاسىنا.
الايدا، 20 ميلليونىنشى ەڭ جاس تۇرعىننىڭ ازىرگە كىم ەكەنى ايتىلمايدى
ايتا كەتسەك، 2021 جىلى 20 ماۋسىمىندا قازاقستاننىڭ 19 ميلليونىنشى تۇرعىنى دۇنيەگە كەلگەن. ۇلتتىق ستاتيستيكا بيۋروسىنىڭ حالىق سانى بويىنشا اعىمداعى جازبالارىنا سايكەس، قازاقستاندا 19 ميلليونىنشى ادام ول جانيا ازاماتقىزىن انىقتالعان بولاتىن.
«19 ميلليونىنشى تۇرعىننىڭ تۋعان كۇنىن انىقتاۋ بارلىق دەموگرافيالىق وقيعالاردى: تابيعي ءوسىم ء(تىرى تۋىلعاندار سانى مەن بەلگىلى ءبىر كەزەڭدەگى قايتىس بولعاندار سانى اراسىنداعى ايىرماشىلىق) جانە كوشى-قون سالدوسىن (ايىرما) ەسكەرە وتىرىپ جاسالدى. كانديدات تۇرعىلىقتى جەرىنە قاراماستان بۇكىل رەسپۋبليكا بويىنشا انىقتالدى.
جالپى، تاۋەلسىزدىك جىلدارىندا حالىق سانى 2 ميلليون 557 مىڭ ادامعا (15,5 پايىزعا) ءوسىپ، اعىمداعى جىلدىڭ 1 شىلدەسىنە 19 ميلليون 9,6 مىڭ ادامدى قۇرادى»، - دەپ حابارلاعان ستاتيستيكا بيۋروسى.
سونداي-اق، 2017 جىلى قازاقستاننىڭ 18 ميلليونىنشى تۇرعىنى قىز بەن الماتى وبلىسىنىڭ تۇرعىنى بولدى. 2017 جىلى 11 مامىردا ساماتقىزى مۋسليما تالدىقورعان قالاسىندا دۇنيەگە كەلگەن. ونىڭ اتا-اناسىنا 3 بولمەلى پاتەر بەرىلدى.
بيىل مەملەكەت باسشىسى قاسىم-جومارت توقاەۆتىڭ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىندا ەلىمىزدە جىل سايىن 400 مىڭنان استام بالا دۇنيەگە كەلەتىنىن، جىل سوڭىنا دەيىن حالقىمىزدىڭ سانى 20 ميلليونعا جەتەتىنى ايتىلعان.
“قازاقستان – الەمدەگى ەڭ جاس مەملەكەتتىڭ ءبىرى. ازاماتتارىمىزدىڭ ورتاشا جاسى – 32 جاس. تۇرعىنداردىڭ ۇشتەن ءبىرى – جاستار.
ۇكىمەتتىڭ مىندەتى – قازىرگى دەموگرافيالىق احۋالدى ەلىمىزدىڭ باسەكەگە قابىلەتىن ارتتىرۋعا پايدالانۋ.
ادال ازامات جانە تۇعىرلى تۇلعا بولۋدىڭ نەگىزى بالا كەزدەن قالىپتاسادى. سوندىقتان ءبىز جاس ۇرپاقتىڭ قاۋىپسىز ءارى الاڭسىز ءومىر ءسۇرۋىن قامتاماسىز ەتۋگە ءتيىسپىز.
مەن مەملەكەت باسشىسى رەتىندە كامەلەتكە تولماعاندارعا جاسالعان زورلىق-زومبىلىقتىڭ كەز كەلگەن تۇرىنە قاتىستى جازانى كۇشەيتۋدى تالاپ ەتەمىن” دەگەن ەدى جولداۋدا.
