Qazaqstan halqynyń sany 20 mıllıonǵa jetti. Bul týraly Prezıdent Qasym-Jomart Toqaev jańalyqpen quttyqtady, dep habarlaıdy “Adyrna” ulttyq portaly.
Halqymyzdyń sany 20 mıllıonǵa jetti! Barshańyzdy aqjoltaı jańalyqpen quttyqtaımyn! Baqytty otbasy – baqýatty eldiń negizi. Memleket otbasy qundylyqtaryn nyǵaıtýǵa, ana men balany qorǵaýǵa basa mán beredi, – dep jazdy Qasym-Jomart Toqaev H paraqshasyna.
Alaıda, 20 mıllıonynshy eń jas turǵynnyń ázirge kim ekeni aıtylmaıdy
Aıta ketsek, 2021 jyly 20 maýsymynda Qazaqstannyń 19 mıllıonynshy turǵyny dúnıege kelgen. Ulttyq statıstıka bıýrosynyń halyq sany boıynsha aǵymdaǵy jazbalaryna sáıkes, Qazaqstanda 19 mıllıonynshy adam Ol Janııa Azamatqyzyn anyqtalǵan bolatyn.
«19 mıllıonynshy turǵynnyń týǵan kúnin anyqtaý barlyq demografııalyq oqıǵalardy: tabıǵı ósim (tiri týylǵandar sany men belgili bir kezeńdegi qaıtys bolǵandar sany arasyndaǵy aıyrmashylyq) jáne kóshi-qon saldosyn (aıyrma) eskere otyryp jasaldy. Kandıdat turǵylyqty jerine qaramastan búkil respýblıka boıynsha anyqtaldy.
Jalpy, táýelsizdik jyldarynda halyq sany 2 mıllıon 557 myń adamǵa (15,5 paıyzǵa) ósip, aǵymdaǵy jyldyń 1 shildesine 19 mıllıon 9,6 myń adamdy qurady», - dep habarlaǵan Statıstıka bıýrosy.
Sondaı-aq, 2017 jyly Qazaqstannyń 18 mıllıonynshy turǵyny qyz ben Almaty oblysynyń turǵyny boldy. 2017 jyly 11 mamyrda Samatqyzy Mýslıma Taldyqorǵan qalasynda dúnıege kelgen. Onyń ata-anasyna 3 bólmeli páter berildi.
Bıyl Memleket basshysy Qasym-Jomart Toqaevtyń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda Elimizde jyl saıyn 400 myńnan astam bala dúnıege keletinin, jyl sońyna deıin halqymyzdyń sany 20 mıllıonǵa jetetini aıtylǵan.
“Qazaqstan – álemdegi eń jas memlekettiń biri. Azamattarymyzdyń ortasha jasy – 32 jas. Turǵyndardyń úshten biri – jastar.
Úkimettiń mindeti – qazirgi demografııalyq ahýaldy elimizdiń básekege qabiletin arttyrýǵa paıdalaný.
Adal azamat jáne tuǵyrly tulǵa bolýdyń negizi bala kezden qalyptasady. Sondyqtan biz jas urpaqtyń qaýipsiz ári alańsyz ómir súrýin qamtamasyz etýge tıispiz.
Men Memleket basshysy retinde kámeletke tolmaǵandarǵa jasalǵan zorlyq-zombylyqtyń kez kelgen túrine qatysty jazany kúsheıtýdi talap etemin” degen edi Joldaýda.
