وسىدان 60 جىل بۇرىن قاستاندىقتان قازا تاپقان اقش پرەزيدەنتى دجون كەننەدي 25 قاراشا كۇنى جەرلەندى. ول 1963 جىلى 22 قاراشادا داللاستا اتىلعان وقتان جان تاپسىرعان بولاتىن.
امەريكانى جانە بۇكىل الەمدى ءدۇر سىلكىندىرگەن كىسى ءولىمى قىسقا ۋاقىت ارالىعىندا ءتۇرلى ميفتەر مەن قاستاندىق تەوريالارىن تۋدىردى.
دجون كەننەدي، ونىڭ ايەلى جاكلين، سونداي-اق تەحاس شتاتىنىڭ گۋبەرناتورى دجون كوننەلي كابريولەتكە ءمىنىپ، پرەزيدەنتتى قارسى الۋعا جينالعان ازاماتتارعا كۇلىمسىرەپ، قولدارىن بۇلعايدى.
سول ءسات، كۇتپەگەن جەردەن پرەزيدەنتتىڭ دەنەسى العا قاراي ءيىلىپ، تاماعىنان قان اققانىن بايقايدى. بىرنەشە سەكۋندتان كەيىن پرەزيدەنتتىڭ باسىنا وق اتىلادى.
بۇل كەننەديدىڭ ميىنا تيگەن ەكىنشى وق بولدى. قاسىندا وتىرعان گۋبەرناتور ارقاسىنان جارالانعان. جاكلين الدىمەن كۇيەۋىنە، سوسىن باياۋ قوزعالىپ كەلە جاتقان كابريولەتتىڭ ارتىندا تۇرعان پرەزيدەنت كۇزەتىنىڭ جانىنا جۇگىردى. پرەزيدەنت كورتەجى سول زامات جىلدامدىعىن ارتتىرىپ، الاڭنان شىعىپ كەتەدى.
جەرگىلىكتى ۋاقىت بويىنشا ساعات 13:00-دە پرەزيدەنت كەننەديدىڭ قايتىس بولعانى رەسمي تۇردە جاريالاندى.
اقش پرەزيدەنتىنە وق اتىلعاننان كەيىن شامامەن ءبىر ساعات وتكەن سوڭ، كەننەديدى ولتىرگەن لي حارۆي وسۆالد ۇستالادى. ول كوپشىلىكتىڭ الدىندا پوليتسيا وفيتسەرى ءتيپپيتتى دە اتىپ ولتىرگەن بولاتىن.
24 قاراشادا وسۆالدتى باسقا تۇرمەگە اۋىستىرۋ كەزىندە تۇنگى كلۋب يەسى دجەك رۋبي اتىپ ءولتىردى. بۇل جازبا ونداعان تەلەديدار كامەرالارىنا تۇسەدى.
ءبىر كۇننەن كەيىن، 25 قاراشادا كەننەدي ۆاشينگتونداعى ارلينگتون ۇلتتىق زيراتىندا جەرلەنىپ، ونىڭ جەرلەۋ ءراسىمىن بۇكىل الەم باقىلايدى.
قايتىس بولعان اكەسىنە قۇرمەت كورسەتكەن كىشكەنتاي ۇلى مەن جەسىر ايەلى الەمدەگى ەڭ قۋاتتى ساياسي بەينەلەر جيناعىندا ماڭگى ەستە قالادى.
كەننەدي ءولىمى – قانداي تالاپپەن جاسالعانى ءالى انىق ايتىلماعان، اقش تاريحىنداعى ەڭ كوپ استىرتىن ارەكەت تەوريالارىن تۋدىرعان وقيعا بولىپ قالدى.
«ادىرنا» ۇلتتىق پورتالى
