قازاقستاندىق كاسكادەرلەر شەتەلدىك كينوعا تۇسۋدە، دەپ حابارلايدى "ادىرنا" ءتىلشىسى Orda.kz-كە سىلتەپ.
بريتاندىق رەجيسسەر ريدلي سكوتتتىڭ «ناپولەون» اتتى جاڭا ءفيلمىنىڭ تۇسىرىلىمىنە قازاقستاندىق كاسكادەرلەر قاتىستى.
22 قاراشادا «ناپولەون» اتتى جاڭا ءفيلمىنىڭ الەمدىك پرەمەراسى ءوتتى. فيلم قازاقستاننىڭ كينوتەاترلارىندا 23 قاراشادان باستاپ كورسەتىلە باستاعان.
«ءبىز ريدلي سكوتت جوباسىنا ءۇندىستاندا بىرگە جۇمىس ىستەگەن كاسكادەرلىك ۇيلەستىرۋشى نيك پاۋەللدىڭ ۇسىنىسى ارقىلى تۇستىك. «ناپولەون» فيلمىندەگى بارلىق تريۋكتەرگە ونىڭ اپكەسى نيككي حورەوگرافيالىق جاعىنان جەتەكشىلىك ەتتى. ءتۇسىرىلىم اياقتالعاننان كەيىن ول جىگىتتەرگە جۇمىسى ءۇشىن العىس ايتتى. سونىمەن قاتار ولاردىڭ قانداي كاسىپقوي ەكەنىن الدىن الا بىلسە، قازاقستاننان كوبىرەك كاسكادەر شاقىرار ەدىم دەدى»، - دەيدى «Nomad Stunts» حالىقارالىق كاسكادەرلار توبىنىڭ جەتەكشىسى، قازاقستاننىڭ ەڭبەك سىڭىرگەن قايراتكەرى جايداربەك كۇنعوجينوۆ.
