عىلىم تەحنولوگيالىق پروگرەستىڭ، مەديتسينالىق جاڭالىقتاردىڭ، ەكولوگيالىق تۇراقتىلىقتىڭ جانە ءبىزدىڭ ءومىرىمىزدىڭ كوپتەگەن باسقا اسپەكتىلەرىنىڭ نەگىزى بولىپ تابىلادى. عىلىمدى ناسيحاتتاۋدىڭ ءبىر جولى – ءبىلىم بەرۋ. عىلىمي ءبىلىمدى وقۋ باعدارلامالارىنا بىرىكتىرۋ جانە عىلىم بويىنشا قىزىقتى ساباقتار، كەڭ اۋديتوريانىڭ نازارىن اۋدارا الاتىن ءىس-شارالار وقۋشىلاردىڭ عىلىم مەن زەرتتەۋگە دەگەن قىزىعۋشىلىعىن قالىپتاستىرۋعا ىقپال ەتۋى مۇمكىن.
وسىعان بايلانىستى جاستار اراسىندا جالپى عىلىمدى ناسيحات ەتىپ، ونى دامىتۋ ءۇشىن ءتۇرلى تاسىلدەر بار. زامان تالابىنا ساي قوعامعا جاڭا ءبىلىم بەرۋ ءۇشىن ارنايى باعدارلامالار، كۋرستار، ۆەبينارلار مەن سەمينارلار وتكىزۋگە, الىنعان قىزمەتتەردى دامىتۋ ماقساتىندا ماماندانعان جەتەكشى مەن جاڭا تەحنولوگيالار بىرىكتىرىلگەنپلاتفورمالار جانە تەحنولوگيالىق جوبالار دايىنداۋ قاجەت. سونىمەن قاتار عىلىمدى وقىتۋ ورتالىقتارى، عىلىمي-تەحنيكالىق لابوراتوريالار، جاڭا عىلىم نەگىزىندە كەڭ مۇمكىندىكتەر جاسايتىن مەكەمەلەر تالاپ ەتىلەدى. عىلىمدى ناسيحاتتاۋ عالىمدار مەن عىلىمي ۇيىمداردىڭ بەلسەندى قاتىسۋىن قاجەت ەتەتىنىن اتاپ وتكەن ءجون. ولار مەديا سۇحباتتارعا قاتىسىپ، تانىمال عىلىمي ماقالالار جازۋ ارقىلى ءبىلىم بەرۋ باعدارلامالارىنا قاتىسا الادى. قوعاممەن جانە مەديامەن ءوزارا ارەكەتتەسۋ عىلىمي تاقىرىپتاردى كەڭ اۋديتورياعا تارالۋىنا جاعداي جاسايدى.
وسىعان بايلانىستى مەملەكەتتىك جانە جەكە ينستيتۋتتار، ۋنيۆەرسيتەتتەر، جانە باسقا دا عىلىمي ۇيىمداردى قارجىلاندىرۋ، سونداي-اق عالىمدار مەن زەرتتەۋشىلەردىڭ ءبىلىم الۋى، يننوۆاتسيالىق جوبالاردى جۇرگىزۋ، جاڭا باعدارلامالاردى دايىنداۋ ىسىندە مەملەكەتتىك قولداۋ ماڭىزدى ءرول اتقارادى. جەرگىلىكتى ينفراقۇرىلىمدار، رەسۋرستاردى جانە مۇراعاتتى باعدارلامالاردى قۇرۋعا ارنالعان بيۋدجەت پەن ونىڭ ءارەكەت ەتۋ مەحانيزمدەرىنىڭ دامۋ ماسەلەسى مەملەكەتتىك قولداۋدى قامتاماسىز ەتۋ ءۇشىن,بيۋدجەتتەن قارجىلاندىرۋ وتىنىشتەرءى بولۋى شارت.بۇل قارجىلاندىرۋ جۇيەسىنىڭ ۇزاق مەرزىمدەلۋى، كرەديت الۋ، رەسمي تىركەلگەن جوبالار قۇرۋ سياقتى تىزىمدەرمەن تولىقتىرىلادى.
مەملەكەتتىك قارجىلاندىرۋدى تالاپ ەتەتىن جوبالاردىڭ ءبىرى – وڭىرلىك جوعارى وقۋ ورىندارىن دامىتۋ جانە كوبەيتۋ. وكىنىشكە قاراي, وڭىرلىك جوعارى وقۋ ورىندارىنىڭ دامۋىنىڭ ماڭىزى ەلىمىزدەگى كوپتەگەن قالالاردا توقىراپ تۇر.
«بۇگىندە ەكونوميكالىق جانە ينۆەستيتسيالىق ساياساتقا ەمەس، وڭىرلەرگە باسا نازار اۋدارىلادى جانە جوعارى ءبىلىم بەرۋ جۇيەسى وسى ترەندتەرمەن ۇيلەستىرىلۋى كەرەك. سوندىقتان قازىرگى كەزدە عىلىم جانە جوعارى ءبىلىم مينيسترلىگى ءبىرىنشى كەزەكتە وڭىرلىك جوعارى وقۋ ورىندارىن جاڭعىرتۋعا، ولاردىڭ الەۋەتىن ارتتىرۋعا جانە وڭىرلەردى دامىتۋداعى رولىنە باسىمدىق بەرەدى. ويتكەنى كۇشتى ۋنيۆەرسيتەت – بۇل جەرگىلىكتى ەكونوميكا مەن يندۋستريانىڭ دامۋىنا بايلانىستى بولاتىن كۇشتى كادرلار»، – دەگەن بولاتىن عىلىم جانە جوعارى ءبىلىم ءمينيسترى ساياسات نۇربەك ءبىر سۇحباتىندا.
بۇل ماسەلە بويىنشا العا تارتىلاتىن شەشىمدەردىڭ ءبىرى – وڭىرلىك جوعارى وقۋ ورىندارىنا كۆوتالىق گرانتتار بەرۋ. وسى ارقىلى وڭىرلىك ماڭىزى بار، اۋىلشارۋاشىلىق ماماندارىن، بىلىكتى ينجەنەرلەر مەن قۇرىلىسشىلار، مۇعالىمدەر مەن الەۋمەتتىك مامانداردى دايارلاپ، سونداي-اق ءار ءوڭىردىڭ وزىندىك گەوساياسي جاعدايىنا بايلانىستى جاس عالىمدار مەن زەرتتەۋشىلەردىڭ دە جاڭا باعىتتار بويىنشا ىزدەنىستەرىن ارتتىرۋعا بولادى.
جوعارى وقۋ ورىندارىنداعى كووپەراتسيانى نىعايتۋ – رەسۋرستاردى بىرىكتىرۋ ماقساتىندا ستۋدەنتتەر جəنە وقۋ ورىندارىنىڭ اراسىنداعىءوزارا ءبىلىم ساپاسىن جەتىلدىرۋ مۇمكىندىگى بارقىزمەت كورسەتۋ, ياعني عالىمدار اراسىندا وقىتۋ مەن تاجىريبە الماسۋدى قامتيدى. ال مەملەكەتتىك ءبىلىم بەرۋ ورگاندارى مەن ۇيىمدارىىنتىماقتاستىقتى دامىتۋ ارقىلى وقۋ ءىسىن جوعارى دەڭگەيگە كوتەرۋگە ماقساتتى تۇردە قولداۋ كورسەتە الادى.
قورىتا ايتقاندا، عىلىمي ءبىلىم مەن پرينتسيپتەردى ناسيحاتتاۋ, ونى كەڭ اۋديتورياعا قولجەتىمدى جانە تۇسىنىكتى ەتۋ الەمدە بولىپ جاتقان وزگەرىستەر مەن قۇبىلىستاردى قابىلداۋعا جانە ءومىردىڭ ءارتۇرلى سالالارىندا سانالى شەشىم قابىلداۋعا كومەكتەسەدى. عىلىمي ساۋاتتىلىق ميفتەرمەن جانە جالعان اقپاراتپەن ءتيىمدى كۇرەسۋگە ىقپال ەتەدى، سەبەبى XXI عاسىر – اقپاراتتار زامانى.
وسى جولدا ينتەرنەت پەن الەۋمەتتىك مەديا، سونىڭ ىشىندە سايتتار، بەينە-بلوگتار، پودكاستار، جانە الەۋمەتتىك جەلى عىلىمي ءبىلىمدى تاراتۋدىڭ جانە عىلىمي تاقىرىپتار بويىنشا پىكىرتالاستاروتكىزۋدىڭ ءتيىمدى قۇرالى بولا الادى.كونفەرەنتسيالار مەن عىلىمي فەستيۆالدار,كورمەلەر وتكىزۋ ءىس-شارالارى جۇرتشىلىققا ناقتى عىلىمي جەتىستىكتەردى كورۋگە، ولاردى عالىمدارمەن تالقىلاۋعا جانە جالپى عىلىمي تاقىرىپتار تۋرالى تۇسىنىكتەرىن تەرەڭدەتۋگە مۇمكىندىك بەرەدى.
قارجىلاندىرۋدان باسقا، جاس عالىمدار مەنستۋدەنتتەرگە عىلىم جولىندا مانساپقالىپتاستىرۋ ءۇشىن ىنتالاندىرۋ قاجەت ەكەنىن ايتا كەتەيىك. بۇعان ستيپەنديا بەرۋ، عىلىمي جوبالارعا قاتىسۋ مۇمكىندىگى جانە تاجىريبەلى عالىمداردىڭ تالىمگەرلىگى ارقىلى قول جەتكىزۋگە بولادى، سونىمەن قاتار عىلىمي باعدارلامالار مەن كونكۋرستاردى قولداۋ كوپشىلىكتىڭ عىلىمي زەرتتەۋلەرگە قىزىعۋشىلىعىن ارتتىرا الادى.
ايتولقىن ارعىن
«ادىرنا» ۇلتتىق پورتالى
