InDriver تاكسي سەرۆيسىن قۇرعان كاسىپكەر قازاقستان ازاماتتىعىن الدى، دەپ حابارلايدى "ادىرنا" ۇلتتىق پورتالى.
بۇل جاڭالىقپەن قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءبولىستى.
ياكۋتيادان كەلگەن كاسىپكەر ارسەن تومسكي قازاقستان ازاماتى بولعانىن 2 جەلتوقساندا كينوبايقاۋدا مالىمدەگەن ەدى.
قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين كاسىپكەردى قازاقستان ازاماتتىعىن الۋىمەن قۇتتىقتاپ، جازبا جاريالادى.
"ارسەن تومسكي قازاقستان ازاماتى بولدى! الەمدەگى ەڭ ءىرى ينۆەستورلاردىڭ ءبىرى قازاقستان ازاماتى بولدى. ارسەن ءوزى كەلىپ قانا قويماي، ەلىمىزگە تالانتتى مامانداردى تارتىپ، جاڭا تەحنولوگيالار مەن يدەيالار اكەلدى. سوڭعى جىلدارى قازاقستان الەمنىڭ تۇكپىر-تۇكپىرىنەن كەلگەن تالانتتى كاسىپكەرلەر ءۇشىن تالاپ نۇكتەسىنە اينالدى...", - دەدى ول.
مينيستر مەملەكەت تاراپىنان ينۆەستورلار مەن كاسىپكەرلەر ءۇشىن قولايلى جاعداي جاساۋدى، ونىڭ ىشىندە كوشى - قون راسىمدەرىن شەشۋدى جالعاستىرۋ ءۇشىن بارىنشا وڭتايلى جولىن جاسايتىنىن ايتتى. ءمينيستردىڭ ايتۋىنشا، مۇنداي شەشىمدەر قازاقستاندى حالىقارالىق بيزنەستە ودان سايىن قولايلى ەتەدى.
