وزبەكستاندا ايەلدەر قۇقىعىن بۇزعان ازاماتقا 6 ميلليون سۋم ($537) ايىپپۇل سالىندى، دەپ حابارلايدى "ادىرنا" ءتىلشىسى fergana.agency-عا سىلتەمە جاساپ.
شايحانتاحۋر اۋداندىق سوتى كافە يەسى مەن ونىڭ قىزمەتكەرىنە 6,6 ميلليون سۋم ($537) ايىپپۇل سالعان.
تاشكەنتتەگى كافەلەردىڭ ءبىرى 22:30-دان كەيىن ايەلدەردى مەكەمەگە كىرگىزۋدەن باس تارتقان.
وزبەكستاندىق جۋرناليست ينوبات احاتوۆا 18 قاراشا كۇنى دوستارىمەن "انحور" ساياباعىنىڭ جانىنداعى كافەدە وتىرۋدى جوسپارلادى. الايدا مەكەمە قىزمەتكەرى 22:30-دان كەيىن ايەلدەرگە كىرۋگە تىيىم سالىناتىنىن ايتىپ، ىشكە كىرگىزبەيدى.
وسىدان كەيىن احاتوۆا ەل پرەزيدەنتىنىڭ پورتالىنا شاعىم جازىپ، قۇقىق قورعاۋ ورگاندارىنا جولدانعان ارىزى قارالادى.
جۋرناليست اتاپ وتكەندەي، كافە قىزمەتكەرلەرى ىشكە ەرەجەلەرىمەن گەندەرلىك تەڭدىك قاعيداتىن بۇزعان.
ايىپپۇل ارقالاعاندار كىنانى مويىندادى. ال وقيعا ورىن العان مەكەمەنىڭ يەسى بەينە ۇندەۋ جازىپ، ايەلدەردەن كەشىرىم سۇراپ، بۇل ارەكەتىنە وكىنەتىنىن ايتتى.
احاتوۆانىڭ سوزىنشە، ءجۋرناليستى قولداعاندارمەن قاتار، سوككەندەر دە بولعان. وقىرماندارى ايەل ادامعا كەشكىسىن كوشەگە جۇرمەۋگە كەڭەس بەرىپ تە جاتىر.
