8-قاراشا كۇنى الماتى وبلىسى اكىمدىگىنىڭ قولداۋىمەن، الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسى جانە وبلىستىق حالىق شىعارماشىلىعى ورتالىعىنىڭ ۇيىمداستىرۋىمەن «تاۋەلسىزدىككە تارتۋ» اتتى وبلىستىق جاس ايتىسكەرلەر مەن جىرشى-تەرمەشىلەر بايقاۋىنىڭ اقتىق سىنى ءوتتى.
جوبانىڭ باستى يدەياسى - الماتى وبلىستىق حالىق شىعارماشىلىعى ورتالىعىنىڭ جانىنان اشىلعان «ايتىس» جانە «جىر-تەرمە» مەكتەپتەرى تاربيەلەنۋشىلەرىنىڭ ونەرىن شىڭداۋ، تالانتتى ونەرپازداردىڭ باسىن ءبىر ارناعا توعىستىرۋ، ۇلتتىق قۇندىلىقتارىمىزدى دارىپتەۋ، ناسيحاتتاۋ جانە ءوزارا تاجىريبە الماسۋىنا ىقپال ەتۋ.
ەرەجەگە سايكەس، بايقاۋعا الماتى وبلىستىق حالىق شىعارماشىلىعى ورتالىعىنىڭ جانىنان اشىلعان «ايتىس» جانە «جىر-تەرمە» مەكتەپتەرىنىڭ تاربيەلەنۋشىلەرى قاتىستىرىلۋى مىندەتتەلگەن بولاتىن. 14-قاراشا قوناەۆ قالاسىندا وتكەن ىرىكتەۋ كەزەڭىنە 9 اۋدان 1 قالادان ءوتىنىم ءتۇسىپ، 30 ونەرپاز قاتىستى.
بايقاۋعا ءار اۋداننان جاساقتالعان كوماندالار تانىستىرۋ (تانىستىرۋ ورىندايتىن قاتىسۋشى ءوز كومانداسىن، ءوز ايماعىن، اۋداننىڭ تاريحىن، جەتىستىكتەرىن، تانىمال تۇلعالاردى جىرعا قوسىپ، تانىستىرادى), جىر-تەرمە (ەپوستىق جىردان ءۇزىندى، باتىرلار جىرىنان ءۇزىندى نەمەسە تەرمە ورىندالادى. جىرعا باسىمدىلىق بەرىلەدى) اقىندار ايتىسى (تاقىرىپ - تاۋەلسىزدىك) نوميناتسيالارى بويىنشا قاتىسىپ، اقتىق سىنعا ۇزدىك دەپ تانىلعان 4 كوماندا (ەڭبەكشىقازاق اۋدانى، قاراساي اۋدانى، جامبىل اۋدانى، رايىمبەك اۋدانى) جولداما الدى.
اتالمىش شارانىڭ اقتىق سىنى 2023 ج. 8-جەلتوقسان، جامبىل جاباەۆتىڭ ادەبي-مەموريالدىق مۋزەيىندە (الماتى وبلىسى، جامبىل اۋدانى) وتەدى دەپ جوسپارلانۋدا.
