قىزىلوردا وبلىسى اكىمى نۇرلىبەك نالىباەۆ جۋىردا جاڭا ۇيلەردىڭ كىلتىن تابىس ەتۋ كەزىندە بولعان جايعا تۇسىنىك بەردى. اكىمنىڭ سونداعى ارەكەتى الەۋمەتتىك جەلىدە قىزۋ تالقىلانعان. بۇگىن ورتالىق كوممۋنيكاتسيالار ورتالىعىندا وتكەن ءباسپاسوز الاڭىندا وسى سۇراق وبلىس باسشىسىنا قويىلدى.
اكىمنىڭ ايتۋىنشا، بۇل وقيعا ارال اۋدانىندا بولعان. سونداي-اق ول ۆيدەو تاراتقان ادامدارعا وكپەلى ەكەنىن ەسكەرتتى.
- ارال اۋدانىندا ءبىز 100 وتباسىعا پاتەر كىلتىن تابىستادىق. ءسىزدىڭ ايتىپ وتىرعانىڭىز سول ءۇيدى تابىستاۋ كەزىندەگى جاعداي. شىنىن ايتقاندا، ول جەردە كەلەڭسىز وقيعا ورىن العان جوق. ءباسپاسوز حاتشىم بۇل تۋرالى كەشە باياندادى، ەندى ونى شىعارعان ادامنىڭ ءوزىنىڭ ارى بىلەدى. باسپاسوزق ىزمەتكەرىمنىڭ ايتۋىنشا، ابىرويىن، رەيتينگىن كوتەرۋ ءۇشىن وسى ۆيدەونى مونتاجداپ شىعارعان. جىلدامدىعىن كوبەيتىپ، باسى، اياعىن الىپ تاستاپ، اسەرلەپ بەرگەن. وزىنە قاجەتتى ءارى حالىققا وتەتىن جاعىن كورسەتكەن. ءباسپاسوز حاتشىم كەيىن ولار ءوز قاتەلىكتەرىن مويىنداپ، كەشىرىم سۇراپ، وزدەرىنىڭ جازبالارىن جاريالادى دەدى. ونى وزدەرىڭىز دە كورسەڭىزدەر دە بولادى. مەن ولاردىڭ كىم ەكەنىن بىلمەيمىن. ءبىزدىڭ رەسمي پاراقشامىزدان ول شارانىڭ قالاي وتكەنىن بىلگىڭىز كەلسە، ۆيدەونىڭ تۇپنۇسقاسى تۇر. ءبىز قازىر اۋداندارعا بارعان كەزدە بۇرىنعىداي جۇگىرىپ لەنتا قيمايمىز. سول ەلدىڭ ۇلكەندەرى مەن ارداگەرلەرىنە لەنتا قيدىرىپ، باتاسىن الامىز. كىلت بەرگەن كەزدە بىرەۋىن تاپسىرامىز دا قالعانىن ارداگەر اعالارىمىز تاپسىرسىن دەيمىز. ۆيدەونى كورسەڭىزدەر، قارىنداسىما «كىلتتى ارداگەرگە اپارىپ بەر» دەپ ايتىپ جاتىرمىن، بىراق ول ونى ەستىمەي، تۇسىنبەيدى. كۇن سالقىن. ەكىنشى كىلت الاتىن ادام كەزەكتە تۇر. الماعان سوڭ، الدىم دا بەردىم مەن. وندا تۇرعان نە بار؟ تۇرعىن ءۇي الىپ جاتقان اداممەن سۋرەتكە ءتۇستىم. كىلت الاتىن كەزەكتە ادامدار بولعان سوڭ «بارا بەرىڭىز» دەپ ايتتىم. ارىپتەستەر، وكىنىشكە وراي، ءبارىمىز بولماساق تا، كەيبىرىمىز ءوزىنىڭ رەيتينگىن كوتەرىپ، ابىرويىن كوتەرۋ ءۇشىن تىرناق استىنان كىر ىزدەيتىن ادامدار بار. بۇل وتە دۇرىس ەمەس دەپ ەسەپتەيمىن. سىن ايتىلۋ كەرەك، ءبىز ونى قابىلدايمىز. ودان قورىتىندى شىعارامىز. بىراق ول، ءوتىنىش، شىنايى بولسا. بىزدە وسىنداي سىني ماتەريال شىقسا، ءبارىمىز جوق جەردەن ىزدەپ تاۋىپ الامىز. ال ەرتەڭ ءبىز ونى تەرىستەپ بەرسەك تە، ءتىپتى ەشكىم دە قارايمايدى. ءومىر بولعاننان كەيىن بىزگە دە جاقتاس ادامدار بار عوي. سولار «مەن شىندىقتى ايتىپ پىكىر جازسام، ءوشىرىپ تاستايدى» دەپ ايتادى. بۇل دۇرىس ەمەس قوي. ءبارى شىنايى بولۋ كەرەك»، – دەدى ول.
ءباسپاسوز ءماسليحاتىندا مودەراتور «نۇرلىبەك مىرزا، راقمەت» دەپ اكىمدى توقتاتۋعا ءماجبۇر بولدى.
سەرىك جولداسباي
«ادىرنا» ۇلتتىق پورتالى
