Qyzylorda oblysy äkımı Nūrlybek Nälıbaev juyrda jaŋa üilerdıŋ kıltın tabys etu kezınde bolǧan jaiǧa tüsınık berdı. Äkımnıŋ sondaǧy äreketı äleumettık jelıde qyzu talqylanǧan. Bügın Ortalyq kommunikasiialar ortalyǧynda ötken baspasöz alaŋynda osy sūraq oblys basşysyna qoiyldy.
Äkımnıŋ aituynşa, būl oqiǧa Aral audanynda bolǧan. Sondai-aq ol video taratqan adamdarǧa ökpelı ekenın eskerttı.
- Aral audanynda bız 100 otbasyǧa päter kıltın tabystadyq. Sızdıŋ aityp otyrǧanyŋyz sol üidı tabystau kezındegı jaǧdai. Şynyn aitqanda, ol jerde keleŋsız oqiǧa oryn alǧan joq. Baspasöz hatşym būl turaly keşe baiandady, endı ony şyǧarǧan adamnyŋ özınıŋ ary bıledı. Baspasözq yzmetkerımnıŋ aituynşa, abyroiyn, reitingın köteru üşın osy videony montajdap şyǧarǧan. Jyldamdyǧyn köbeitıp, basy, aiaǧyn alyp tastap, äserlep bergen. Özıne qajettı ärı halyqqa ötetın jaǧyn körsetken. Baspasöz hatşym keiın olar öz qatelıkterın moiyndap, keşırım sūrap, özderınıŋ jazbalaryn jariialady dedı. Ony özderıŋız de körseŋızder de bolady. Men olardyŋ kım ekenın bılmeimın. Bızdıŋ resmi paraqşamyzdan ol şaranyŋ qalai ötkenın bılgıŋız kelse, videonyŋ tüpnūsqasy tūr. Bız qazır audandarǧa barǧan kezde būrynǧydai jügırıp lenta qimaimyz. Sol eldıŋ ülkenderı men ardagerlerıne lenta qidyryp, batasyn alamyz. Kılt bergen kezde bıreuın tapsyramyz da qalǧanyn ardager aǧalarymyz tapsyrsyn deimız. Videony körseŋızder, qaryndasyma «kılttı ardagerge aparyp ber» dep aityp jatyrmyn, bıraq ol ony estımei, tüsınbeidı. Kün salqyn. Ekınşı kılt alatyn adam kezekte tūr. Almaǧan soŋ, aldym da berdım men. Onda tūrǧan ne bar? Tūrǧyn üi alyp jatqan adammen suretke tüstım. Kılt alatyn kezekte adamdar bolǧan soŋ «Bara berıŋız» dep aittym. Ärıptester, ökınışke orai, bärımız bolmasaq ta, keibırımız özınıŋ reitingın köterıp, abyroiyn köteru üşın tyrnaq astynan kır ızdeitın adamdar bar. Būl öte dūrys emes dep esepteimın. Syn aitylu kerek, bız ony qabyldaimyz. Odan qorytyndy şyǧaramyz. Bıraq ol, ötınış, şynaiy bolsa. Bızde osyndai syni material şyqsa, bärımız joq jerden ızdep tauyp alamyz. Al erteŋ bız ony terıstep bersek te, tıptı eşkım de qaraimaidy. Ömır bolǧannan keiın bızge de jaqtas adamdar bar ǧoi. Solar «men şyndyqty aityp pıkır jazsam, öşırıp tastaidy» dep aitady. Būl dūrys emes qoi. Bärı şynaiy bolu kerek», – dedı ol.
Baspasöz mäslihatynda moderator «Nūrlybek myrza, raqmet» dep äkımdı toqtatuǧa mäjbür boldy.
Serık Joldasbai
«Adyrna» ūlttyq portaly
Ūqsas jaŋalyqtar
