ءازىربايجان قاراباققا 140 مىڭعا جۋىق ادامدى، ونىڭ ىشىندە ايماقتان كەتكەن بوسقىنداردى قونىستاندىرماق. بۇل تۋرالى ءازىربايجان پرەزيدەنتى يلحام اليەۆ ءمالىم ەتتى، دەپ حابارلايدى “ادىرنا” ۇلتتىق پورتالى.
يلحام اليەۆتىڭ ايتۋىنشا، بۇل جوسپار 2026 جىلعا دەيىن جۇزەگە اسىرىلادى. ورالعىسى كەلەتىن ارمياندار ءازىربايجان ازاماتتىعىن الۋى ءتيىس.
سونداي-اق، ول قاراباقتىڭ ينفراقۇرىلىمدىق جانە تۇرعىن ءۇي نىساندارىنا ينۆەستيتسيا سالۋ قاجەت ەكەنىن اتاپ ءوتتى. ينۆەستيتسيالارىنىڭ نەگىزگى باعىتى – اۋىل شارۋاشىلىعى، گيدروەنەرگەتيكا، كۇن جانە جەل ەنەرگەتيكاسى، تۋريزم.
«ورالعىسى كەلەتىندەر وعان قۇقىلى. ولاردىڭ مۇلكى قورعالعان. بارلىق تاريحي جانە ءدىني نىساندار دا سولاي. ورالۋ ءۇشىن بەلگىلى ءبىر ەرەجەلەردى ساقتاۋى كەرەك. قالعىسى كەلەتىندەر ءازىربايجان ازاماتتىعىن الۋعا ءوتىنىش تاپسىرۋى كەرەك»،– دەدى يلحام اليەۆ.
