شىمكەنتتە جاڭا كوپقاباتتى ۇيدە ادامدار بار ليفت توعىزىنشى قاباتتان قۇلاپ كەتكەن وقيعا بولدى، دەپ حابارلايدى «ادىرنا» ۇلتتىق پورتالى OTYRAR-عا سىلتەمە جاساپ.
اتالعان وقيعاعا بايلانىستى سەگىز جولاۋشىنىڭ تورتەۋى مەديتسينالىق كومەككە جۇگىندى. ولار ۇيدەگى مۇنداي وقيعا ءبىرىنشى رەت بولىپ جاتقان جوق دەپ حابارلادى.
«ليفت التىنشى قاباتتان كەلە جاتىپ، ەكىنشى قاباتقا توقتادى. ءليفتتىڭ بارلىق تەتىگى قىزىل بولىپ جانىپ تۇردى، ەشقايسىسى جۇمىس ىستەمەدى. كەنەتتەن ليفت توعىزىنشى قاباتقا كوتەرىلىپ، جەرتولەگە قۇلادى. قۇلاعان كەزدە مەن جامباسىمدى قاتتى ۇرىپ الدىم، باس اينالۋ مەن جۇرەك اينۋىن سەزىندىم»، - دەدى شىمكەنت قالاسىنىڭ تۇرعىنى نىشانبەك قۇلسەيىتوۆ.
بەلگىلى بولعانداي، ماسەلە كوتەرگىشتەردىڭ توزۋىندا ەمەس، ءتيىستى تەحنيكالىق بىلىكتىلىگى جوق كومپانيالاردىڭ قىزمەت كورسەتۋىندە ەكەنى بەلگىلى بولدى. ءماجىلىس دەپۋتاتتارى ليفتتەردىڭ قاۋىپسىزدىگى مەن جاي-كۇيىن باقىلاۋدى مامانداندىرىلعان باسقارماعا قايتارۋ كەرەك دەپ سانايدى.
«اكىمدىكتەر كادرلاردىڭ جەتىسپەۋشىلىگى مەن بىلىكتىلىگى جوق مامانداردىڭ بولۋىنا بايلانىستى بۇل مىندەتتى ورىنداي المايدى. بۇل ءبىرىنشى ماسەلە. ەكىنشى ماسەلە - نارىقتا سەرتيفيكاتتالماعان جانە قولدانىستاعى نورمالارعا سايكەس كەلمەيتىن قابىلەتسىز ليفت كومپانيالارى پايدا بولدى. مۇنداي كومپانيالار تەحنيكالىق بازاسى مەن اتتەستاتتارى جوق تەندەرلەردى ۇتىپ الادى»، - دەدى قازاقستان ليفتىلەر قاۋىمداستىعىنىڭ پرەزيدەنتى ەرجان يگىباەۆ.
«ادىرنا» ۇلتتىق پورتالى
