اباي وبلىستىق پروكۋراتۋراسىنىڭ باسقارما قىزمەتكەرلەرى جۇيەلى تۇردە كابەل ۇرلىعىن جاسادى دەگەن كۇدىكپەن ءىرى زاۋىتتاردىڭ ءبىرىنىڭ جۇمىسشىلارىن ۇستادى، دەپ حابارلايدى «ادىرنا» ۇلتتىق پورتالى.
ارنايى بولىمشەنىڭ جەدەل قىزمەتكەرلەرى ۇرلىق سحەماسىن ەگجەي-تەگجەيلى انىقتاۋ ءۇشىن ەكى اي بويى جەدەل-ىزدەستىرۋ شارالارىن جۇرگىزدى.
«جەدەل ىزدەستىرۋ شارالارى اياسىندا پوليتسەيلەر كابەلدەردىڭ جۇيەلى تۇردە ۇرلانۋىن تىركەدى. قىلمىستىق توپ اپتا سايىن زاۋىت اۋماعىنان 30 مەتر توك وتكىزەتىن كوپ سىمدى مىس وزەكتەرىن زاڭسىز العان.ءتىنتۋ كەزىندە ولاردان ۇرلانعان زاتتار تابىلىپ، الىندى، - دەپ حابارلادى اباي وبلىستىق پوليتسيا دەپارتامەنتىنىڭ ءباسپاسوز قىزمەتى.
اتالعان فاكتى بويىنشا قىلمىستىق كودەكستىڭ 188-بابىنىڭ 2-بولىگى «ۇرلىق» بويىنشا سوتقا دەيىنگى تەرگەۋ باستالدى. بۇل قىلمىسقا كۇدىكتى ءتورت ادام، ونىڭ ىشىندە توپ جەتەكشىسى دە ۇستالدى. ءتورت ايدا كاسىپورىنعا كەلتىرىلگەن جالپى شىعىن 2 187 068 تەڭگەنى قۇرادى.
«ادىرنا» ۇلتتىق پورتالى
