جامبىل وبلىسىندا "قازاۆتوجول" وبلىستىق بولىمشەسى ديرەكتورىنىڭ ورىنباسارى ۇستالدى، دەپ حابارلايدى "ادىرنا" ۇلتتىق پورتالى.
"قازاۆتوجول"-دىڭ جامبىل وبلىستىق بولىمشەسى ديرەكتورىنىڭ ورىنباسارى داۋرەن تولتاەۆ پارا الىپ جاتقان ساتىندە قولعا ءتۇستى. قىزمەتكەر قىزىلوردالىق مەردىگەر كومپانيادان اقشا تالاپ ەتكەن.
اتالعان فاكت بويىنشا سوتقا دەيىنگى تەرگەۋ جۇمىستارى باستالدى. قازىر جەمقورلىق ىسىنە كومپانيانىڭ جوعارى باسشىلارىنىڭ قاتىسى بار-جوعى انىقتالۋدا.
ەسكە سالا كەتەيىك، بۇعان دەيىن "قازاۆتوجول" -دىڭ "قىسقى جوندەۋ جۇمىستارىنىڭ ۋاقتىلى اياقتالماعانى ءۇشىن جاۋاپكەرشىلىككە تارتىلاتىنى" تۋرالى اقپارات تاراعان بولاتىن. قازىر بۇل دەرەك جوققا شىعارىلدى.
