"مايقايىڭالتىن" كەن بايىتۋ كومبيناتىنا قاراستى شۇڭقىرعا ءتۇسىپ كەتكەن اۆتوبۋس انىقتالدى، دەپ حابارلايدى "ادىرنا" ءتىلشىسى.
اۆتوبۋستىڭ باتىپ كەتكەن جەرىن بالقاشتان جەتكىزىلگەن قۇرىلعى ارقىلى انىقتاعان. ول ەلىمىزدەگى جالعىز قۇرىلعى - امەريكاندىق ونەركاسىپتىك راديولوكاتسيا.
مامانداردىڭ مالىمەتىنشە، اۆتوبۋس شامامەن 5 مەتر تەرەڭدىكتە جاتىر. اتالعان قۇرىلعى جوعارى جيىلىكتى يمپۋلستاردى سكانەرلەۋگە جانە توپىراق ءپروفيلىنىڭ سۋرەتتەرىن الۋعا مۇمكىندىك بەرگەن
قازىر اۆتوبۋستى قازۋ جۇمىستارى قارقىندى جۇرگىزىلۋدە. ال ىزدەستىرۋ جۇمىستارى ەكى اۋىسىممەن توقتاۋسىز جالعاسىپ جاتىر.
ەسكە سالايىق، شىڭىراۋعا ءتۇسىپ كەتكەن اۆتوبۋس، ونىڭ جۇرگىزۋشىسى جانە ءبىر قۇتقارۋشى ءالى تابىلعان جوق.
